మహిళలకు సీఎం జగన్ గిఫ్ట్.. 50% మేయర్ సీట్లు వారికే..

రాష్ట్రవ్యాప్తంగా ఉన్న 16 కార్పొరేషన్ల మేయర్‌ పదవులకు ఏపీ ఎన్నికల సంఘం రిజర్వేషన్లను ఖరారు చేసింది. ఈ మేరకు పురపాలక శాఖ కమిషనర్ విజయ్ కుమార్ శనివారం రాత్రి గెజిట్ నోటిఫికేషన్ విడుదల చేశారు. ఈ సారి మేయర్ పదవుల్లో మహిళలకు 50 శాతం రిజర్వేషన్లు దక్కాయి. మొత్తం 16 స్థానాలకు గాను 8 స్థానాలను మహిళలకు కేటాయించారు. అంతర్జాతీయ మహిళా దినోత్సవం నాడు మహిళలకు 50 శాతం సీట్లు కేటాయించడం విశేషం. వైఎస్ జగన్మోహన్‌రెడ్డి నేతృత్వంలోని వైసీపీ ప్రభుత్వం పంచాయతీ స్థానాలకు స్థానాలకు సైతం గణనీయంగా సీట్లు మహిళలకు కేటాయించిన విషయం తెలిసిందే.

Also Read: బీసీలకు సీఎం జగన్ వరం.. టీడీపీకి దిమ్మతిరిగేలా..

కాగా, ఆంధ్రప్రదేశ్‌ స్థానిక సంస్థల ఎన్నికల షెడ్యూల్‌ శనివారం విడుదలైన సంగతి తెలిసిందే. మొత్తం మూడు విడతల్లో ఎన్నికలు నిర్వహస్తామని రాష్ట్ర ఎన్నికల కమిషనర్‌ ఎన్‌.రమేష్‌కుమార్‌ పేర్కొన్నారు. జడ్పీటీసీ, ఎంపీటీసీ ఎన్నికలు ఒక విడతలో, పంచాయతీ ఎన్నికలను రెండు విడతల్లో ఎన్నికలు నిర్వహిస్తామని చెప్పారు. మున్సిపల్‌ ఎన్నికలు ఒకే దశలో జరగనున్నాయి. ఈ నెల 21న జడ్పీటీసీ, ఎంపీటీసీ ఎన్నికలు నిర్వహించి ఫలితాలను 24న ప్రకటిస్తారు. ఇక ఈ నెల 23న మున్సిపల్‌ ఎన్నికల పోలింగ్‌ జరిపి, 27న ఫలితాలను వెల్లడిస్తామని తెలిపారు. ఈ నెల 27న తొలి విడత పంచాయతీ ఎన్నికలు, 29న రెండో విడత పంచాయతీ ఎన్నికలు నిర్వహిస్తామని చెప్పారు.

Also Read: చంద్రబాబు సంచలన నిర్ణయం.. కంట్రోల్ రూమ్ ఏర్పాటు.. ఇక తాడోపేడో

మేయర్ స్థానాలకు రిజర్వేషన్లు ఇవే..
శ్రీకాకుళం - బీసీ (మహిళ), విజయనగరం - బీసీ (మహిళ), విశాఖపట్నం - బీసీ జనరల్, రాజమండ్రి - జనరల్, కాకినాడ -జనరల్ (మహిళ), ఏలూరు - జనరల్ (మహిళ), విజయవాడ - జనరల్ (మహిళ), మచిలీపట్నం - జనరల్ (మహిళ), గుంటూరు - జనరల్,
ఒంగోలు - ఎస్సీ (మహిళ), నెల్లూరు - ఎస్టీ జనరల్, తిరుపతి - జనరల్ (మహిళ), చిత్తూరు - ఎస్సీ జనరల్, కడప - బీసీ జనరల్, అనంతపురం- జనరల్, కర్నూలు-బీసీ జనరల్‌కు కేటాయిస్తూ రాష్ట్ర ఎన్నికల సంఘం నిర్ణయం తీసుకుంది.

Also Read: మండపేట గ్యాంగ్ రేప్‌పై పవన్ కళ్యాణ్ స్పందన.. జనసైనికులకు కీలక సూచనలు