ఏపీ సర్కార్ కీలక నిర్ణయం తీసుకుంది. నాయీ బ్రాహ్మణులను, వారి సామాజికవర్గాన్ని కించపరిచే పదాలపై ప్రభుత్వం నిషేధించింది. ఈ మేరకు ఉత్తర్వులు జారీ చేశారు. మంగలి, మంగలోడా, బొచ్చుగొరిగేవాడా, మంగలిది, కొండ మంగలి వంటి పదాలను నాయీబ్రాహ్మణులను ఉద్దేశించి ఉపయోగిస్తే.. వారి మనోభావాలను గాయపరిచినట్టుగా పరిగణిస్తారు. ఈ పదాలను ఉపయోగించిన వారిని భారత శిక్షాస్పృతి 1860 కింద చట్టపరమైన చర్యలు తీసుకుంటారు. ఈ మేరకు బీసీ సంక్షేమ శాఖ ముఖ్య కార్యదర్శి జి.జయలక్ష్మి జీవో ఎంఎస్‌ 50 జారీ చేశారు.
అంతేకాదు ఏపీ ప్రభుత్వం రాష్ట్రంలోని నాయీ బ్రాహ్మణుల సంక్షేమం కోసం జగనన్న చేదోడు పథకం అమలు చేస్తున్న సంగతి తెలిసిందే. ఈ పథకం కింద వేలాది మంది నాయీ బ్రాహ్మణులకు ఆర్థిక సహాయం అందజేస్తోంది. అర్హులైన వారికి ఈ పథకం కింద ఏటా రూ.10వేల చొప్పున అందజేస్తున్నారు. ఇప్పుడు ఆ సామాజిక వర్గాన్ని కించపరిచే పదాలపై నిషేధం విధించారు.
అంతేకాదు ఏపీ ప్రభుత్వం రాష్ట్రంలోని నాయీ బ్రాహ్మణుల సంక్షేమం కోసం జగనన్న చేదోడు పథకం అమలు చేస్తున్న సంగతి తెలిసిందే. ఈ పథకం కింద వేలాది మంది నాయీ బ్రాహ్మణులకు ఆర్థిక సహాయం అందజేస్తోంది. అర్హులైన వారికి ఈ పథకం కింద ఏటా రూ.10వేల చొప్పున అందజేస్తున్నారు. ఇప్పుడు ఆ సామాజిక వర్గాన్ని కించపరిచే పదాలపై నిషేధం విధించారు.