జగన్ సర్కార్ వైఎస్సార్ వాహనమిత్ర పథకం–2022–23 లబ్ధిదారులకు శుభవార్త చెప్పింది. ఈనెల 13న ఆర్థిక సహాయం అందించనున్న సంగతి తెలిసిందే. ఈ ఏడాదికి అర్హుల నుంచి రవాణా శాఖ దరఖాస్తులు ఆహ్వానించింది.. ఈ నెల 7లోగా గ్రామ, వార్డు సచివాలయాల్లో దరఖాస్తులు చేసుకోవాలని రవాణా శాఖ కమిషనర్ పి.రాజాబాబు తెలిపారు. ఇప్పటికే ఈ పథకం ద్వారా లబ్ధిదారులుగా ఉన్నవారితో పాటు కొత్తగా ఆటో, ట్యాక్సీ, మ్యాక్సీ క్యాబ్ కొనుగోలు చేసిన డ్రైవర్లు కూడా దరఖాస్తు చేసుకోవచ్చని చెప్పారు. వాహనమిత్ర పథకం కింద అర్హులైన ఆటో, ట్యాక్సీ, మ్యాక్సీ క్యాబ్ కలిగిన డ్రైవర్లకు ఏటా రూ.10వేలు అందిస్తున్న విషయం తెలిసిందే. ఈ పథకం కింద ఇప్పటికే లబ్ధిదారులుగా ఉన్నవారు తమ వాహనం పక్కనే ఉన్న ఫొటోను గ్రామ, వార్డు సచివాలయంలో అప్లోడ్ చేయాల్సి ఉంటుంది. కొత్తగా వాహనం కొనుగోలు చేసిన డ్రైవర్లు తమ ఆధార్కార్డు, వైట్ రేషన్ కార్డు, భూమి వివరాలు, ఆదాయ పన్ను, ఇంటి విద్యుత్ వినియోగం, కులం, ఇతర వివరాలకు సంబంధించిన అర్హత పత్రాలతో దరఖాస్తు చేయాలి.
అర్హుల నుంచి వచ్చిన దరఖాస్తులను ఆరు అంచెల్లో పరిశీలించి లబ్ధిదారులను ఎంపిక చేస్తారు. అర్హులైన లబ్ధిదారుల జాబితాను ఎంపీడీవో/మున్సిపల్ కమిషనర్ కార్యాలయాల్లో ఈ నెల 9లోగా ఆమోదించి.. 10న ఆ దరఖాస్తులను కలెక్టర్లు ఆమోదిస్తారు. ఆ తర్వాత 11, 12 తేదీల్లో సీఎఫ్ఎస్ఎస్ ద్వారా సంబంధిత కార్పొరేషన్లకు పంపిస్తారు. అంతేకాదు అర్హులైనప్పటికీ జాబితాలో పేరు లేకపోతే ఫిర్యాదు చేసేందుకు అవకాశం ఉంటుంది. ఆ ఫిర్యాదులను పరిశీలించి అర్హులుగా నిర్ధారణ అయితే వారికి కూడా వైఎస్సార్ వాహన మిత్ర పథకం ద్వారా ఆర్థిక సాయం అందజేస్తారు. అంతేకాదు గత ఆరు నెలల్లో సగటున నెలకు 300 యూనిట్ల కంటే ఎక్కువ వినియోగించిన వారు ఈ పథకానికి అనర్హులు.
అర్హుల నుంచి వచ్చిన దరఖాస్తులను ఆరు అంచెల్లో పరిశీలించి లబ్ధిదారులను ఎంపిక చేస్తారు. అర్హులైన లబ్ధిదారుల జాబితాను ఎంపీడీవో/మున్సిపల్ కమిషనర్ కార్యాలయాల్లో ఈ నెల 9లోగా ఆమోదించి.. 10న ఆ దరఖాస్తులను కలెక్టర్లు ఆమోదిస్తారు. ఆ తర్వాత 11, 12 తేదీల్లో సీఎఫ్ఎస్ఎస్ ద్వారా సంబంధిత కార్పొరేషన్లకు పంపిస్తారు. అంతేకాదు అర్హులైనప్పటికీ జాబితాలో పేరు లేకపోతే ఫిర్యాదు చేసేందుకు అవకాశం ఉంటుంది. ఆ ఫిర్యాదులను పరిశీలించి అర్హులుగా నిర్ధారణ అయితే వారికి కూడా వైఎస్సార్ వాహన మిత్ర పథకం ద్వారా ఆర్థిక సాయం అందజేస్తారు. అంతేకాదు గత ఆరు నెలల్లో సగటున నెలకు 300 యూనిట్ల కంటే ఎక్కువ వినియోగించిన వారు ఈ పథకానికి అనర్హులు.