ఏపీలో మరిన్ని లాక్ డౌన్ సడలింపులు.. ఈ షాపులన్నీ ఓపెన్ చేసుకోవచ్చు..

ఆంధ్రప్రదేశ్ రాష్ట్ర ప్రభుత్వం లాక్ డౌన్ నిబంధనలను మరిన్ని సడలించింది. రాష్ట్రంలో ఇప్పటికే రవాణా వ్యవస్థను పునరుద్ధరణ, నిత్యావసర వస్తువుల దుకాణాలు తెరిచేందుకు అనుమతచ్చిన ప్రభుత్వం.. మరిన్ని కీలక సడలింపులు ఇచ్చింది. వస్త్ర దకాణాలు, బంగారు ఆభరణాల దుకాణాలు, చెప్పుల షాపులు తెరవడానికి రాష్ట్ర పురపాలక శాఖ అనుమతి మంజూరు చేసింది. నిర్దేశిత ప్రామాణికాలకు అనుగుణంగా దుకాణాలు తెరవాల్సి ఉంటుందని ఆదేశించింది. నిబంధనల ప్రకారం రాష్ట్రంలోని పెద్ద దుకాణాల్లో షాపింగ్ చేయడానికి ఆన్‌లైన్‌లో ముందస్తు బుకింగ్ చేసుకోవాలి.

దుకాణాల్లో ట్రయల్ రూములకు సైతం అనుమతి లేదు. ఆభరణాల దుకాణాల్లో వినియోగదారులకు డిస్పోజబుల్ చేతి తొడుగులు అందుబాటులో ఉంచాలి. స్ట్రీట్ ఫుడ్ విక్రేతలు మాస్కులు, గ్లౌజులు ధరించాలి. పానీపూరి బండ్లకు అనుమతి లేదు.

please Vote: జగన్ ఏడాది పాలన ఎలా ఉంది ?
ప్రభుత్వం విధించిన నిబంధనలివే..

• పెద్ద దుకాణాల్లో షాపింగ్‌కు ఆన్‌లైన్‌లో ముందస్తు బుకింగ్‌ చేసుకోవాలి.
• అన్ని దుకాణాల్లో ట్రయల్‌ రూమ్‌లకు అనుమతి నిరాకరణ.
• ఆభరణాల దుకాణాల్లో డిస్పోజబుల్‌ చేతి తొడుగులు ఉండాలి.
• చెప్పుల దుకాణాలు, ఫ్రాంచైజీలను ఎప్పటికప్పుడు క్రిమిరహితం చేయాలి.
• తోపుడు బండ్ల ఆహార విక్రేతలు మాస్కులు, చేతి తొడుగులు ధరించాలి.
• వీధి బండ్లపై విక్రయించే ఆహారం అక్కడే తినకుండా చూడాలి.
• పానీపూరీ బండ్లకు అనుమతి నిరాకరణ.