మద్యపాన నిషేధం దిశగా జగన్ సర్కార్.. మరో కీలక నిర్ణయం.. మందుబాబులకు షాక్!

ఏపీలో మద్య నిషేదం దిశగా ప్రభుత్వం అడుగులు వేస్తోంది. నిషేధంలో భాగంగా మరో కీలక నిర్ణయం తీసుకుంది. ఇకపై పరిమితికి మించి మద్యం బాటిళ్లు కలిగి ఉండరాదని ఆదేశాలు జారీ చేసింది. ఒకరి దగ్గర మూడు కంటే ఎక్కువ మద్యం బాటిళ్లు మాత్రమే ఉండాలని.. నిబంధనలు ఉల్లంఘిస్తే చర్యల తప్పవని హెచ్చరించారు. ఈ మేరకు కొన్ని వివరాలను పొందుపరిచింది. ప్రభుత్వ ఉత్తర్వులు ప్రకారం..

Read Also: 'బాబుకు ఇల్లు ఇవ్వడం తప్పా.. సీఎంగా మీరున్నా అదే చేసేవాడ్ని'



ఇండియన్ మేడ్ ఫారెన్ లిక్కర్ - మూడు బాటిల్స్
విదేశీ మద్యం - మూడు బాటిల్స్
స్పిరిట్ - మూడు బల్క్ లీటర్స్
బీర్ - 6 బాటిల్స్, 650 ML
కల్లు - రెండు బల్క్ లీటర్లు

ప్రభుత్వం గతంలోనే దశలవారీగా మద్యపాన నిషేధం దిశగా కీలక నిర్ణయాలు తీసుకుంది. నిషేధంలో భాగంగా ముందుగా బెల్టు షాపులను చెక్ పెట్టేస్తోంది. కొత్త ఎక్సైజ్ పాలసీ విడుదల చేసిన ప్రభుత్వం.. రాష్ట్రవ్యాప్తంగా బేవరేజెస్ కార్పొరేషన్ ఆధ్వర్యంలో షాపుల నిర్వహించనున్నట్లు తెలిపింది. ఈ ఏడాది ప్రస్తుతం ఉన్న మద్యం దుకాణాల్లో 880 షాపులకు కోత విధించింది. 3,500 మద్యం దుకాణాలు నిర్వహించనుంది.

మద్యం షాపులు ఉదయం 10 గంటల నుంచి రాత్రి 9 గంటల వరకు మాత్రమే నడుస్తాయి. 150 నుంచి 300 చదరపు అడుగుల విస్తీర్ణంలో ఒక్కో షాపును ఏర్పాటు చేయనున్నారు. అలాగే మద్యం దుకాణాలకు స్థలాన్ని బేవరేజెస్ కార్పొరేషన్ గుర్తిస్తుంది. ప్రతి మద్యం షాపులో సీసీ కెమెరాల ఏర్పాటు చేయడంతో పాటూ.. ప్రతి దుకాణానికి తెలుగు, ఇంగ్లీషులో నెంబర్ బోర్డులు ఉంటాయి. మద్యం షాపుల నిర్వహణకు జిల్లా జాయింట్ కలెక్టర్ ఆధ్వర్యంలో ఆరుగురు సభ్యులతో కమిటీ ఏర్పాటు చేయనున్నారు. ఒక్కో షాపునకు పట్టణ ప్రాంతాల్లో ఐదుగురు.. గ్రామీణ ప్రాంతాల్లో నలుగురు సిబ్బందిని నియమిస్తారు. అలాగే బ్రాండ్ల సంఖ్యతో పాటూ షాపులను కూడా తగ్గించే దిశగా అడుగులు వేస్తున్నారు.