AP CMRF: మీరు సైతం.. విరాళాలు అందజేయొచ్చు ఇలా..

రాష్ట్రంలో కోవిడ్ -19 వైరస్ (కరోనా) మహమ్మారిపై పోరాటంలో భాగస్వాములయ్యే అవకాశాన్ని ఏపీ ప్రభుత్వం కల్పించింది. కష్టకాలంలో ప్రజలను ఆదుకునేందుకు విరాళాల ద్వారా సాయమందించాలని కోరుతోంది. దాతలు ముందుకొచ్చి ముఖ్యమంత్రి సహాయ నిధి(సీఎం రిలీఫ్ ఫండ్)కి విరివిగా విరాళాలు అందజేయగలరని.. విరాళాలు అందజేయాలనుకున్న వారి కోసం బ్యాంకు ఖాతా వివరాలను తెలియజేసింది.

విరాళాలను అకౌంట్ నంబర్‌: 38588079208, వెలగపూడి సెక్రటేరియట్ బ్రాంచ్, ఐఎఫ్‌ఎస్‌సీ కోడ్ SBIN0018884, లేదా ఆంధ్రాబ్యాంకు ఖాతా నంబర్ 110310100029039, వెలగపూడి సెక్రటేరియట్ బ్రాంచ్, ఐఎఫ్‌ఎస్‌సీ కోడ్ ANDB0003079 లకు పంపాలని తెలియజేసింది. వెబ్ సైట్ ద్వారా విరాళాలు పంపాలనుకున్న దాతలు ఇంటర్నెట్ బ్యాంకింగ్, డెబిట్, క్రెడిట్ కార్డుల ద్వారా apcmrf.ap.gov.in ద్వారా పంపొచ్చని తెలిపింది.

Also Read: కరోనాపై పోరుకు అరబిందో భారీ సాయం.. మెడికల్ కిట్లు కూడా..

దాతలు తమ పూర్తి చిరునామా, ఫోన్ నంబర్, ఈ మెయిల్ ఐడీ, విరాళాల ఉద్దేశం, చెక్కులు లేదా ఆన్ లైన్ చెల్లింపు వివరాలను ప్రత్యేకాధికారి, ముఖ్యమంత్రి కార్యాలయం, మొదటి బ్లాక్, ఏపీ సెక్రటేరియట్, వెలగపూడి. గుంటూరుకు పంపాలని సూచించారు. విరాళాలు అందజేసిన దాతలకు ముఖ్యమంత్రి లేఖ, రశీదు, వంద శాతం ఆదాయ పన్ను మినహాయింపు ధ్రువ పత్రం వెబ్ సైట్ ద్వారా పొందొచ్చని తెలియజేశారు. ఈమెయిల్‌ splofficer-cm@ap.gov.inలో సంప్రదించగలరు.

Read Also: AP: వేగంగా పెరుగుతున్న కేసులు.. ఒక్కరోజే 41 మందికి పాజిటివ్