ఏపీ రాజధానిపై వైసీపీ సర్కార్-ప్రతిపక్ష పార్టీల మధ్య మాటల యుద్ధం నడుస్తోంది. బీజేపీ ఎంపీ సుజనా చౌదరి, టీడీపీ నేతలు వ్యాఖ్యలకు మంత్రి బొత్స సత్యనారాయణ కౌంటరిచ్చారు. అమరావతిలో తనకు సెంటు భూమి కూడా లేదని సుజనా అబద్ధాలు చెబుతున్నారన్నారు మంత్రి. ఆయన బంధువుల పేర్లపై రాజధానిలో భూములు ఉన్నాయని.. ఇన్‌సైడర్ ట్రేడింగ్ జరిగిన మాట వాస్తవవమని.. త్వరలోనే అక్రమాలన్నీ బయటపెడతామన్నారు. అమరావతిలో మాట్లాడిన మంత్రి.. బీజేపీ, టీడీపీ తీరుపై మండిపడ్డారు.
ఎంపీ సుజనా సోదరుడి కుమార్తె పేరు మీద చందర్లపాడు మండలం గుడిమెట్లలో 14 ఎకరాల భూమి ఉందని ఆరోపించారు మంత్రి. సుజనా చౌదరికి చెందిన ఓ కంపెనీ పేరు మీద 110 ఎకరాలు ఉన్నాయన్నారు. వీరులపాడు మండలం గోకరాజు పాలెంలో ఉన్న ఈ భూములు.. ఎంపీ అల్లుడికి సంబంధించినవని చెప్పుకొచ్చారు. ఇటు చంద్రబాబు బంధువులకు ఎకరా రూ.లక్షకే.. 500కుపైగా ఎకరాలు కట్టబెట్టారని ఆరోపించారు. అక్రమాలు జరిగిన భూముల విషయంలో ఎలా ముందుకు వెళ్లాలో ఆలోచన చేస్తున్నామన్నారు. ల్యాండ్ పూలింగ్‌లో అక్రమాలను ఒక్కొక్కటిగా బయటపెడతామన్నారు.
రాజధాని, వరదల పేరుతో టీడీపీ దుష్ప్రచారం చేస్తోందని బొత్స మండిపడ్డారు. ఇల్లు మునుగుతుందని తెలిసే చంద్రబాబు, లోకేష్‌ హైదరాబాద్ వెళ్లారని.. వరద తగ్గాక మళ్లీ అమరావతికి వచ్చారన్నారు. చంద్రబాబు ఇంటిని ముంచామని తప్పుడు ప్రచారం చేశారని.. వరదల వల్ల రాజధాని నష్టం రాకుండా చేశామన్నారు. ప్రాజెక్టులపై ఎప్పటికప్పుడు సమీక్షలు నిర్వహించామన్నారు. రాజధాని రైతులు ఆందోళన చెందాల్సిన అవసరం లేదని.. వారికి ఏ చిన్న కష్టం వచ్చినా ఆదుకుంటామన్నారు.
ఎంపీ సుజనా సోదరుడి కుమార్తె పేరు మీద చందర్లపాడు మండలం గుడిమెట్లలో 14 ఎకరాల భూమి ఉందని ఆరోపించారు మంత్రి. సుజనా చౌదరికి చెందిన ఓ కంపెనీ పేరు మీద 110 ఎకరాలు ఉన్నాయన్నారు. వీరులపాడు మండలం గోకరాజు పాలెంలో ఉన్న ఈ భూములు.. ఎంపీ అల్లుడికి సంబంధించినవని చెప్పుకొచ్చారు. ఇటు చంద్రబాబు బంధువులకు ఎకరా రూ.లక్షకే.. 500కుపైగా ఎకరాలు కట్టబెట్టారని ఆరోపించారు. అక్రమాలు జరిగిన భూముల విషయంలో ఎలా ముందుకు వెళ్లాలో ఆలోచన చేస్తున్నామన్నారు. ల్యాండ్ పూలింగ్‌లో అక్రమాలను ఒక్కొక్కటిగా బయటపెడతామన్నారు.
రాజధాని, వరదల పేరుతో టీడీపీ దుష్ప్రచారం చేస్తోందని బొత్స మండిపడ్డారు. ఇల్లు మునుగుతుందని తెలిసే చంద్రబాబు, లోకేష్‌ హైదరాబాద్ వెళ్లారని.. వరద తగ్గాక మళ్లీ అమరావతికి వచ్చారన్నారు. చంద్రబాబు ఇంటిని ముంచామని తప్పుడు ప్రచారం చేశారని.. వరదల వల్ల రాజధాని నష్టం రాకుండా చేశామన్నారు. ప్రాజెక్టులపై ఎప్పటికప్పుడు సమీక్షలు నిర్వహించామన్నారు. రాజధాని రైతులు ఆందోళన చెందాల్సిన అవసరం లేదని.. వారికి ఏ చిన్న కష్టం వచ్చినా ఆదుకుంటామన్నారు.