YS Jagan‌ సీఎం పదవిపై మంత్రి పెద్దిరెడ్డి కుట్ర: వాళ్లకి ఒక్కటే చెబుతున్నా.. మంత్రి కొడాలి నాని సంచలనం

వైఎస్‌ జగన్మోహన్‌రెడ్డి ముఖ్యమంత్రిగా ఉండటం కొంతమందికి ఇబ్బందిగా ఉందని రాష్ట్ర పౌరసరఫరాల శాఖ మంత్రి కొడాలి నాని విమర్శించారు. ఈ మేరకు ఆదివారం మంత్రి నాని మీడియాతో మాట్లాడుతూ.. గత ముఖ్యమంత్రి చంద్రబాబునాయుడు పలు మీడియా సంస్థలతో కుమ్మకై సొంత డబ్బా కొట్టుకున్నారని విమర్శించారు. చంద్రబాబు పాలనలో ఇష్టం వచ్చినట్లు రాష్ట్రాన్ని దోచుకున్నారని ఆరోపించారు. ఓ న్యూస్‌ ఛానల్‌లో ముఖ్యమంత్రి వైఎస్‌ జగన్మోహన్‌రెడ్డిపై ఆసత్య ప్రచారం చేస్తున్నారని మంత్రి నాని ధ్వజమెత్తారు. సీఎం జగన్‌ను ముఖ్యమంత్రి పదవి నుంచి దించేందుకు పెద్దిరెడ్డి రామచంద్రారెడ్డి ఎమ్మెల్యేల మద్దతు కూడగట్టారని అసత్య ప్రచారం మొదలు పెట్టారని తీవ్ర ఆగ్రహం వ్యక్తం చేశారు. చంద్రబాబు లాంటి వెన్నుపోటు కార్యక్రమాలు మా పార్టీలో జరగవు అని వ్యాఖ్యానించారు. జగన్మోహన్ రెడ్డి రెక్కల కష్టంతో ఈ ప్రభుత్వం ఏర్పడిందని కొడాలి నాని స్పష్టం చేశారు.

Don't Miss: ఏపీకి కొత్త సీఎం: జగన్ ఫ్యూచర్ తేలేది రేపే.. విజయసాయికి చుక్కలే.. ఎంపీ రఘురామ సంచలనం

ఓ బోగస్ న్యూస్ చానల్ ప్రచారంతో ఎంత ప్రయత్నించినా సీఎం జగన్‌ను ఏం చేయలేరని మంత్రి నాని అన్నారు. ‘‘జగన్‌పై దుష్ప్రచారం చేసే వారికి ఒక్కటే చెబుతున్నా.. వెన్నుపోటు పొడిచే సంస్కృతి మాకు లేదు’ అని నాని స్పష్టం చేశారు. వెన్నుపోటుతో అందలం ఎక్కిన చంద్రబాబుకు అందరూ తనలాగే ఉంటారని భావిస్తున్నారని వ్యాఖ్యానించారు. సీఎం జగన్‌ ప్రజల కోసం పార్టీ పెట్టి కష్టపడి ప్రజల చేత ఎన్నుకోబడిన ముఖ్యమంత్రి అని, ఆయన్ను సీఎం పదవి నుంచి దించేస్తే ఈ రాష్ట్ర ప్రజలు చూస్తూ ఊరుకోరని తేల్చి చెప్పారు.

అలాగే ఈ రాష్ట్ర ప్రజలకు ఏం కావాలో సీఎం జగన్‌కు తెలుసని మంత్రి నాని అన్నారు. ఆయనకు ఏం కావాలో ప్రజలకు కూడా తెలుసన్నారు. చంద్రబాబుతో కలిసి ఎంత మంది కుట్రదారులు వచ్చినా వైఎస్‌ జగన్‌ను ఏం చేయలేరన్నారు. చనిపోయే ముందైనా ఆ దుష్ట చతుష్టయం చిల్లర పనులు మానుకోవాలన్నారు.

Must Read: జగన్‌పై కోడికత్తి దాడి: ఆ రెస్టారెంట్ ఓనర్‌కు ఊహించని షాక్!

Also Read: గరికపాడు వద్ద డబ్బు కట్టలు కలకలం.. ఆ కారు ఓపెన్ చేసిన పోలీసులకు షాక్!