Ap Rains:ఈ ఏడాది కడపలో దంచికొట్టిన వానలు.. రికార్డు స్థాయిలో వర్షపాతం నమోదు

ఆంధ్రప్రదేశ్‌లో ఈ ఏడాది భారీ వర్షాలు నమోదయ్యాయి. అన్ని జిల్లాల్లోని ప్రధాన నగరాల్లో అత్యధికంగా వర్షాలు నమోదయ్యాయి. నగరాల వారీగా చూస్తే కడపలో అత్యధిక వర్షపాతం నమోదవ్వగా.. కర్నూలులో అత్యల్ప వర్షపాతం నమోదైందని ఆంధ్రప్రదేశ్ వెదర్‌మ్యాన్ రిపోర్ట్‌లో పేర్కొన్నారు.

కడప నగరంలో అత్యధికంగా 1764 మిల్లీమీటర్ల వర్షపాతం నమోదైంది. గత 150 సంవత్సరాల్లో కడపలో ఇదే అత్యధికం. కడప తర్వాత విజయవాడ, విజయనగరం, కాకినా, వైజాగ్ ఉన్నాయి. అత్యల్పంగా కర్నూలు నగరంలో 538 మిల్లీ మీటర్ల వర్షపాతం నమోదైనట్లు అధికారిక ఫేస్‌బుక్, ట్విటర్ అకౌంట్లలో పేర్కొన్నారు.

జనవరి 1వ తేదీ నుంచి ప్రధాన నగరాల్లో వర్షపాతం గమనిస్తే.. కడపలో 1764, విజయవాడ, 1663, విజయనగరం 1476, కాకినాడ 1433, విశాఖపట్నం 1421, రాజమండ్రి 1412, తిరుపతి 1395, కళింగపట్నం 1392, మచిలీపట్నం 1390, తాడేపల్లిగూడెం 1313, కావలి 1282, తుని 1269, బాపట్ల 1202, నరసాపురం 1150, గుంటూరు 1121, మదనపల్లి 1112, గురజాల 1075, నెల్లూరు 1061, అమరావతి 951, ఒంగోలు 898, అనంతపురం 880, నంద్యాల 871, నందిగామ 852, కర్నూలు 538 మిల్లీమీటర్ల వర్షపాతం నమోదైంది.

నవంబర్‌లో వాయుగుండం, అల్పపీడనం ప్రభావంతో రాయలసీమ జిల్లాలతో పాటు నెల్లూరు జిల్లాలో అతి భారీ వర్షాలు నమోదయ్యాయి. చిత్తూరు, కడప, అనంతపురం జిల్లాలో వరదల ధాటికి ప్రాణనష్టం, ఆస్తి నష్టం సంభవించాయి. జవాద్ ముప్పు నుంచి ఉత్తరాంధ్ర జిల్లాలు తప్పించుకోవడంతో ప్రజలతో పాటు అధికారులు ఊపిరి పీల్చుకున్నారు.