అమెరికాలో గోదావరి జిల్లా వాసి మృతి

అమెరికాలో తెలగు యువకుడు హఠాన్మరణం చెందారు. ఏపీకి చెందిన శివ చలపతిరాజు అమెరికాలోని నార్త్ కరోలినాలో సాఫ్ట్‌వేర్ ఇంజనీర్‌గా పనిచేస్తున్నాడు. శివ మంగళవారం చనిపోయినట్లుగా స్థానిక మీడియా వెల్లడించింది. శివ భార్య సౌజన్య గర్భంతో ఉన్నట్లు తెలుస్తోంది. అమెరికాలో గ్రీన్ కార్డు బ్లాక్ లాగ్ లిస్టులో ఉండడం.. ఆమె భర్త అకాల మరణం చెందడంతో గర్భిణి అయిన సౌజన్య స్వదేశానికి బయలుదేరారు.

రాజమహేంద్రవరంలో విద్యాభ్యాసం చేసిన శివ అనంతరం అమెరికా వెళ్లారు. నార్త్ కరోలినాలో శివ కుటుంబంతో కలిసి నివాసముంటున్నారు. అక్కడ పలు కంపెనీల్లో ఆయన సాఫ్ట్‌వేర్ ఇంజనీర్‌గా పనిచేశారు. ఆయన మరణానికి గల కారణాలపై స్పష్టత రాలేదు. అయితే ఆయన ఫేస్‌బుక్ ద్వారా ఆయనది గోదావరి జిల్లాలకు చెందిన వ్యక్తిగా తెలుస్తోంది.

Also Read: కులానికి సంకెళ్లు పడ్డట్టున్నాయ్.. ఏపీ మంత్రి వివాదాస్పద వ్యాఖ్యలు

శివ మృతి పట్ల అక్కడి తెలుగు సంఘాలు స్పందించాయి. ఆయన మృతదేహాన్ని స్వదేశానికి తరలించి అంత్యక్రియలు నిర్వహించేందుకు ఓ తెలుగు అసోసియేషన్ ఫండ్ రైజింగ్ క్యాంపెయిన్ చేస్తున్నట్లు సమాచారం. శాశ్వత నివాసం కోసం చేసుకున్న దరఖాస్తు బ్యాక్‌లాగ్‌లో ఉండడంతో పుట్టెడు దుఖంలో ఆయన భార్య ఇండియాకు తిరుగు ప్రయాణమైనట్లు తెలుస్తోంది.