జగన్‌ను వివాహానికి ఆహ్వానించిన వైసీపీ ఎంపీ మాధవి
Araku Mp| ముఖ్యమంత్రి జగన్‌ను తన వివాహానికి ఆహ్వానించిన అరకు ఎంపీ గొడ్డేటి మాధవి. ఈ నెల 17న విశాఖ జిల్లాలో మాధవి వివాదం. చిన్ననాటి స్నేహితుడ్ని ప్రేమ వివాహం చేసుకుంటున్న ఎంపీ.
Samayam Telugu 12 Oct 2019, 8:07 pm
వైఎస్సార్‌సీపీ అరకు ఎంపీ గొడ్డేటి మాధవి ఏపీ ముఖ్యమంత్రి జగన్‌మోహన్‌రెడ్డిని కలిశారు. తాడేపల్లిలోని క్యాంప్ ఆఫీస్‌లో.. కాబోయే భర్త శివప్రసాద్‌తో కలిసి సీఎంను కలిసి తన వివాహానికి ఆహ్వానించారు. ఈ నెల 17న తమ పెళ్లికి రావాలని ఆహ్వాన పత్రికను అందజేశారు. మాధవి ముఖ్యమంత్రితో పాటూ ఏపీ మంత్రులు, ఎంపీలు, ఎమ్మెల్యేలు, ఎమ్మెల్సీలు, వైఎస్సార్‌సీపీ ముఖ్య నేతల్ని పెళ్లికి ఆహ్వానించారు.
విశాఖ జిల్లా గొలుగొండ మండలం కృష్ణాదేవిపేటకు చెందిన కుసిరెడ్డి శివప్రసాద్‌తో ఎంపీ మాధవి వివాహం జరగనుంది. మాధవి స్వగ్రామం శరభన్నపాలెంలో.. ఈ నెల 17న ( గురువారం) తెల్లవారుజామున 3.15 గంటలకు ఈ వివాహ వేడుక జరగనుంది. తర్వాత ఈ నెల 22న రుషికొండలోని సాయిప్రియ బీచ్‌ రిసార్ట్స్‌లో రిసెప్షన్‌ ఏర్పాటు చేశారు. మాధవి వివాహ వేడుకకు ముఖ్యమంత్రి వైఎస్ జగన్ సహా పలువురు రాజకీయ ప్రముఖులు, ఉన్నతాధికారులు హాజరు కానున్నారు.
ఉపాధ్యాయురాలిగా ప్రస్థానం ప్రారంభించిన గొడ్డేటి మాధవి.. తర్వాత వైఎస్సార్‌సీపీలో చేరారు. అధినేత జగన్ సార్వత్రిక ఎన్నికల్లో మాధవికి అరకు లోక్‌సభ స్ధానం అభ్యర్థిగా అవకాశం కల్పించారు. ఆమె ఎన్నికల్లో అరకు ఎంపీగా విజయం సాధించారు. అంతేకాదు పార్లమెంట్‌లో అడుగుపెట్టిన ఎంపీల్లో అతి పిన్న వయస్కురాలిగా రికార్డ్ సాధించారు. పాతికేళ్లలోనే మాధవి పార్లమెంట్‌ సభ్యురాలిగా ఎన్నికయ్యారు.
మాధవి తండ్రి గొట్టేడి దేముడు గతంలో ఎమ్మెల్యేగా గెలిచారు. వామపక్ష పార్టీల్లో కీలక నేతగా ఉన్న ఆయన.. విశాఖ జిల్లా చింతపల్లి, పాడేరు నియోజకవర్గాల నుంచి ఎమ్మెల్యేగా విజయం సాధించారు. చింతపల్లి, పాడేరు ప్రాంతాల్లో దేముడుకు మంచి పేరు ఉంది. వామపక్ష నేతగా మంచి గుర్తింపు కూడా ఉంది. ఆయన వారసురాలిగా మాధవి రాజకీయాల్లోకి వచ్చారని చెప్పాలి.
విశాఖ జిల్లా గొలుగొండ మండలం కృష్ణాదేవిపేటకు చెందిన కుసిరెడ్డి శివప్రసాద్‌తో ఎంపీ మాధవి వివాహం జరగనుంది. మాధవి స్వగ్రామం శరభన్నపాలెంలో.. ఈ నెల 17న ( గురువారం) తెల్లవారుజామున 3.15 గంటలకు ఈ వివాహ వేడుక జరగనుంది. తర్వాత ఈ నెల 22న రుషికొండలోని సాయిప్రియ బీచ్‌ రిసార్ట్స్‌లో రిసెప్షన్‌ ఏర్పాటు చేశారు. మాధవి వివాహ వేడుకకు ముఖ్యమంత్రి వైఎస్ జగన్ సహా పలువురు రాజకీయ ప్రముఖులు, ఉన్నతాధికారులు హాజరు కానున్నారు.
ఉపాధ్యాయురాలిగా ప్రస్థానం ప్రారంభించిన గొడ్డేటి మాధవి.. తర్వాత వైఎస్సార్‌సీపీలో చేరారు. అధినేత జగన్ సార్వత్రిక ఎన్నికల్లో మాధవికి అరకు లోక్‌సభ స్ధానం అభ్యర్థిగా అవకాశం కల్పించారు. ఆమె ఎన్నికల్లో అరకు ఎంపీగా విజయం సాధించారు. అంతేకాదు పార్లమెంట్‌లో అడుగుపెట్టిన ఎంపీల్లో అతి పిన్న వయస్కురాలిగా రికార్డ్ సాధించారు. పాతికేళ్లలోనే మాధవి పార్లమెంట్‌ సభ్యురాలిగా ఎన్నికయ్యారు.
మాధవి తండ్రి గొట్టేడి దేముడు గతంలో ఎమ్మెల్యేగా గెలిచారు. వామపక్ష పార్టీల్లో కీలక నేతగా ఉన్న ఆయన.. విశాఖ జిల్లా చింతపల్లి, పాడేరు నియోజకవర్గాల నుంచి ఎమ్మెల్యేగా విజయం సాధించారు. చింతపల్లి, పాడేరు ప్రాంతాల్లో దేముడుకు మంచి పేరు ఉంది. వామపక్ష నేతగా మంచి గుర్తింపు కూడా ఉంది. ఆయన వారసురాలిగా మాధవి రాజకీయాల్లోకి వచ్చారని చెప్పాలి.