ఆనందయ్య మందు పంపిణీపై ఆయుష్ కమిషనర్ క్లారిటీ.. అప్పటి వరకూ.!

నెల్లూరు జిల్లా కృష్ణపట్నానికి చెందిన ఆనందయ్య కరోనా మందుపై ఉత్కంఠ కొనసాగుతోంది. ఆయుష్ శాఖ అధ్యయనం.. కోర్టు తీర్పులతో ఆనందయ్య మందు పంపినీకి అనుమతులు వస్తాయా? లేదా అనే అనుమానాలు రేగుతున్నాయి. ఆనందయ్య మందులో హానికర పదార్థాలేవీ లేవని ఇప్పటికే ఆయుష్ శాఖ చెప్పినప్పటికీ తుది నివేదిక వచ్చే వరకూ స్పష్టత వచ్చే అవకాశాలు లేవు.

అదే విషయమై ఆయుష్ శాఖ కమిషనర్ రాములు స్పందించారు. ఆనందయ్య మందుపై అధ్యయనం కొనసాగుతోందని.. చివరి నివేదక రావాల్సి ఉందన్నారు. అటు కేంద్రం ఆధ్వర్యంలోని సీసీఆర్‌ఏఎస్ నివేదిక కూడా శనివారం వచ్చే అవకాశం ఉందని రాములు తెలిపారు. ఆనందయ్య మందు పంపిణీపై హైకోర్టు విచారణను సోమవారానికి వాయిదా వేసిందని.. ఆయుష్ తుది నివేదిక, హైకోర్టు తీర్పును అనుసరించి నాటుమందు పంపిణీపై నిర్ణయం ఉంటుందని ఆయన చెప్పారు. అనుమతులు వస్తేనే పంపిణీకి అవకాశం ఉన్నట్లు తెలుస్తోంది. మందు పంపిణీపై స్పష్టత వచ్చేందుకు మరో రెండు మూడు రోజులు సమయం పట్టే అవకాశముంది.

Also Read: