బైరెడ్డి సిద్దార్థ్ రెడ్డికి షాకిచ్చిన జగన్ సెక్యూరిటీ

వైఎస్సార్‌సీపీ యువనేత బైరెడ్డి సిద్ధార్థ్‌రెడ్డికి చేదు అనుభవం ఎదురయ్యింది. కర్నూలు పర్యటన సందర్భంలో ఆయనకు సీఎం జగన్ సెక్యూరిటీ షాకిచ్చారు. సీఎం సభ ప్రాంగణం నుంచి జగన్ కాన్వాయ్ బయల్దేరింది. ఇదే సమయంలో బైరెడ్డి నడుచుకుంటూ అటువైపుగా వచ్చారు.. సీఎం కారుకు అడ్డుగా వెళ్లారు. ఇంతలో సెక్యూరిటీ సిబ్బంది ఒకరు సిద్ధార్థ్‌ను పక్కకు తోశారు.

సెక్యూరిటీ సిబ్బంది తీరుపై ఆగ్రహంతో బైరెడ్డి వాగ్వాదానికి దిగారు. ఇంతలో అటుగా వచ్చిన కొందరు నేతలు, మిగిలిన సెక్యూరిటీ సిబ్బంది.. సిద్ధార్థ్‌కు సర్థిచెప్పారు. దీంతో ఆ వివాదం సద్ధుమణిగింది. సోమవారం ఈ ఘటన జరగ్గా.. ఈ వీడియో ప్రస్తుతం సోషల్ మీడియాలో వైరల్ అయ్యింది. జగన్ సెక్యూరిటీ సిబ్బంది తీరుపై బైరెడ్డి అసహనం వ్యక్తం చేసినట్లు తెలుస్తోంది. సోమవారం ముఖ్యమంత్రి జగన్ కర్నూలులో పర్యటించిన సంగతి తెలిసిందే.. అక్కడ కంటి వెలుగు, నాడు-నేడు కార్యక్రమాలకు శ్రీకారం చుట్టారు.