ఆయనొక ఎమ్మెల్యే.. చంద్రబాబుపై సుజనా సంచలన వ్యాఖ్యలు

టీడీపీ అధినేత చంద్రబాబుపై బీజేపీ ఎంపీ సుజనా చౌదరి సంచలన వ్యాఖ్యలు చేశారు. మాజీ సీఎం చేతిలో ఏమీ ఉండదు.. ప్రస్తుతం ఆయనొక ఎమ్మెల్యే. ఆయన చేతిలో ఏమీ ఉండదు కదా అంటూ చేసిన వ్యాఖ్యలు సంచలనం రేపుతున్నాయి. రాజధాని మార్పు, పోలవరం ప్రాజెక్టు విషయాలపై బీజేపీ నేతలు రాజధాని రైతులతో కలిసి గవర్నర్ విశ్వభూషణ‌్‌కు వినతి పత్రం అందించారు. అనంతరం విలేకరుల సమావేశంలో సుజనా మాట్లాడారు.

Must Read :టీడీపీ శిబిరం నుంచి బాధితుల తరలింపు.. బాబుకు చెక్ పెట్టినట్లేనా.!

సమావేశంలో జమిలి ఎన్నికలపై ఓ విలేకరి ప్రశ్నకు సమాధానమిస్తూ సుజనా ఈ వ్యాఖ్యలు చేశారు. జమిలి ఎన్నికలు వస్తాయని చంద్రబాబు చెబుతున్నారుగా అని అడిగిన ప్రశ్నకు ఆయన స్పందించారు. ‘మాజీ సీఎం చేతుల్లో ఏమీ ఉండదు. ప్రస్తుతానికి చంద్రబాబు ఒక ఎమ్మెల్యే. ఆయన చేతుల్లో ఏమీ ఉండదు కదా. కేంద్రంలో జమిలి ఎన్నికలపై చర్చలు జరుగుతున్నాయి. అవి ఓ కొలిక్కి వచ్చాక తప్పకుండా చెప్తాను’ అని సుజనా చేసిన వ్యాఖ్యలు పొలిటికల్ సర్కిల్స్‌లో కొత్త చర్చకు తెరలేపాయి.

Also Read :పల్నాడులో సమస్యాత్మక గ్రామాలెన్నో! మరి ఆత్మకూరే ఎందుకు?

టీడీపీలో సీనియర్ నాయకుడిగా, రాజ్యసభ ఎంపీగా ఎన్నికైన సుజనా చౌదరి 2019 ఎన్నికల అనంతరం బీజేపీలో చేరిన విషయం తెలిసిందే. సుదీర్ఘ కాలం టీడీపీలో పనిచేసిన సుజనా రాష్ట్రంలో వైఎస్సార్సీపీ అధికారంలోకి వచ్చిన వెంటనే బీజేపీలో చేరిపోయారు. చంద్రబాబు తనయుడు మాజీ మంత్రి లోకేష్‌తో ఆయనకు అస్సలు పొసగడం లేదని, అందుకే పార్టీ మారారని అప్పట్లో ప్రచారం కూడా జరిగింది. ఏదేమైనా చంద్రబాబు విషయంలో సుజనా వ్యాఖ్యలు పొలిటికల్‌గా హీట్ పెంచుతున్నాయి.