విశాఖలో సీఎం జగన్.. జీ 20 సదస్సులో అతిథులతో విందు!

ముఖ్యమంత్రి వైఎస్‌ జగన్మోహన్‌రెడ్డి తొలి రోజు జీ- 20 సదస్సుకు హాజరయ్యారు. అతిథులతో కలిసి సీఎం విందులో పాల్గొన్నారు. అనంతరం వారితో సీఎం జగన్ భేటీ అయ్యారు. ఈ సందర్భంగా జీ-20 రెండో ఇన్‌ఫ్రాస్ట్రక్చర్‌ వర్కింగ్‌ గ్రూప్‌ సమావేశాన్ని ఉద్దేశించి సీఎం జగన్‌ మాట్లాడుతూ.. విశాఖలో మీరు గడిపిన సమయం మీకు మధురానుభూతిని మిగిలిస్తుందని భావిస్తున్నానని పేర్కొన్నారు.

రాష్ట్రంలో ప్రతి ఒక్కరికీ ఇల్లు కల్పించాలన్నదే తమ ఉద్దేశమని సీఎం జగన్ అన్నారు. తాము అధికారంలోకి వచ్చాక 30 లక్షల మందికి ఇళ్లపట్టాలు ఇచ్చామన్నారు ప్రస్తుతం. 22 లక్షల ఇళ్లు కడుతున్నామని పేర్కొన్నారు. ఈ ఇళ్లకు కనీస మౌలిక సదుపాయాలు కల్పించడానికి ప్రభుత్వం ముమ్మరంగా చర్యలు చేపడుతోందనని తెలిపారు. దీనిపై సరైన చర్చలు జరిపి.. సస్టెయిన్‌బుల్‌ పద్ధతులను సూచించాలని కోరుతున్నానని పేర్కొన్నారు.

ఇళ్ల నిర్మాణాలపై సరైన మార్గనిర్దేశకత్వం అవసరమని.. దీని వల్ల మంచి ఇళ్లు పేదలకు సమకూరుతాయని సీఎం జగన్ అన్నారు. దీనిపై మీ నుంచి మంచి ఆలోచనలు కావాలన్నారు. సమస్యలకు మంచి పరిష్కారాలు చూపగలగాలని కోరారు. ఈ అంశంపై చక్కటి చర్చలు చేయాలన్నారు. మీరు ఇక్కడ గడిపే సమయం చెరిగిపోలేని జ్ఞాపకంగా ఉంటుందని ఆశిస్తున్నానని సీఎం జగన్‌ తెలిపారు.