వాళ్లిదర్నీ రక్షించడమే జగన్ సర్కారు ధ్యేయమా.. సీపీఐ నేత ప్రశ్నలు
జగన్ సర్కారుపై సీపీఐ నేత కె.రామకృష్ణ తీవ్ర స్థాయిలో విరుచుకుపడ్డారు. అనంతబాబు, గోరంట్ల మాధవ్‌ను రక్షించడమే జగన్ సర్కారు ధ్యేయమా అని ప్రశ్నించారు.
దళిత యువకుడిని దారుణంగా హత్య చేసిన వైఎస్సార్ కాంగ్రెస్ పార్టీ ఎమ్మెల్సీ అనంతబాబును, మహిళతో అసభ్యంగా ప్రవర్తించిన హిందూపురం ఎంపీ గోరంట్ల మాధవ్‌ను రక్షించడమే ముఖ్యమంత్రి వైఎస్ జగన్మోహన్ రెడ్డి ప్రభుత్వ ధ్యేయమా అని సీపీఐ రాష్ట్ర కార్యదర్శి కె.రామకృష్ణ నిలదీశారు. ఎమ్మెల్సీ అనంతబాబుపై 90 రోజుల్లోపు ఛార్జ్‌షీట్ వేయకుండా పోలీసులు ఎందుకు సహకరిస్తున్నారని ఆయన ప్రశ్నించారు.
ఈ మేరకు ఆదివారం సీపీఐ నేత రామకృష్ణ మీడియాతో మాట్లాడుతూ.. ఎమ్మెల్సీ అనంతబాబుకు బెయిల్ వచ్చేందుకు కొందరు కుట్రలు చేస్తున్నారని వ్యాఖ్యానించారు. అలాగే, ఎంపీ గోరంట్ల మాధవ్ వీడియో వ్యవహారంలో అనంతపురం ఎస్పీ ఫకీరప్ప ఎలాంటి విచారణ లేకుండా ఫేక్ అన్నట్లు ఎలా తేల్చారని సూటిగా ప్రశ్నించారు.
మనిషిని చంపి, కారులో డోర్ డెలివరీ చేసిన ఎమ్మెల్సీ అనంతబాబుపై జగన్ సర్కారుకు ఎందుకంత ప్రేమ అని రామకృష్ణ నిలదీశారు. అనంతబాబు కేసులో పోలీసులు, ప్రభుత్వ వైఫల్యంపై ఉద్యమిస్తామని ఆయన తీవ్ర హెచ్చరికలు జారీ చేశారు.
ఈ మేరకు ఆదివారం సీపీఐ నేత రామకృష్ణ మీడియాతో మాట్లాడుతూ.. ఎమ్మెల్సీ అనంతబాబుకు బెయిల్ వచ్చేందుకు కొందరు కుట్రలు చేస్తున్నారని వ్యాఖ్యానించారు. అలాగే, ఎంపీ గోరంట్ల మాధవ్ వీడియో వ్యవహారంలో అనంతపురం ఎస్పీ ఫకీరప్ప ఎలాంటి విచారణ లేకుండా ఫేక్ అన్నట్లు ఎలా తేల్చారని సూటిగా ప్రశ్నించారు.
మనిషిని చంపి, కారులో డోర్ డెలివరీ చేసిన ఎమ్మెల్సీ అనంతబాబుపై జగన్ సర్కారుకు ఎందుకంత ప్రేమ అని రామకృష్ణ నిలదీశారు. అనంతబాబు కేసులో పోలీసులు, ప్రభుత్వ వైఫల్యంపై ఉద్యమిస్తామని ఆయన తీవ్ర హెచ్చరికలు జారీ చేశారు.