లేపాక్షిలో రియల్ హీరో సజ్జనార్..

Also Read: అప్పుడు లేవని నోళ్లు ఇప్పుడెందుకు లేస్తున్నాయి.. పోలీసుల పరిస్థితి ఏంటి?

దిశ హత్యకేసు నిందితుల ఎన్‌కౌంటర్ తర్వాత సజ్జనార్ పేరు దేశవ్యాప్తంగా మార్మోగింది. ఆయన లేపాక్షి ఆలయానికి వచ్చారని తెలియడంతో భక్తులతో పాటూ స్థానికులు అక్కడికి చేరుకున్నారు. సీపీని చూసేందుకు ఎగబడ్డారు.. ఆయనతో కరచాలనం కోసం కొందరు ప్రయత్నించారు.. ఆయన కూడా వారిని నవ్వుతూ పలకరించారు. అలాగే సజ్జనార్‌కు వ్యక్తిగత భద్రతతో పాటూ అనంతపురం జిల్లా పోలీసులు కూడా సెక్యూరిటీని ఏర్పాటు చేశారు.

సజ్జనార్‌ది సొంత రాష్ట్రం కర్ణాటకలోని హుబ్లీ.. అలా సొంత ఊరికి వెళుతున్న ప్రతిసారీ లేపాక్షి ఆలయాన్ని సందర్శించడం ఆనవాయితీగా వస్తుందని తెలుస్తోంది. సీపీ ప్రస్తుతం రెండు రోజుల పాటూ సెలవులో ఉన్నారట.. అలా హుబ్లీ వెళుతూ మార్గ మధ్యలో ఆలయానికి వెళ్లి ప్రత్యేకంగా పూజలు నిర్వహించారు. అనంతరం సొంత ఊరికి బయల్దేరి వెళ్లారు.

1996 బ్యాచ్‌కు చెందిన ఐపీఎన్‌ అధికారి అయిన విశ్వనాథ్ సజ్జనార్.. కర్ణాటకలోని గదగ్‌ జిల్లా అసుతి గ్రామంలో జన్మించారు. దిశ నిందితుల ఎన్‌కౌంటర్ వార్త తెలియగానే అసుతి గ్రామంలో ప్రజలు మిఠాయిలు పంచుకుని సంబరాలు చేసుకున్నారు. అంతేకాదు హుబ్లీలో సజ్జనార్‌కు స్నేహితులు ఉన్నారు.. ఖాళీ సమయం దొరికితే ఆయన సొంత ఊరికి వెళ్లి సరదాగా గడుపుతారట.

అంతేకాదు ఈ మధ్య సజ్జనార్ గురించి కుటుంబ సభ్యులు ఆసక్తికర విషయాలు పంచుకున్నారు. ఆయన చాలా స్ట్రిక్ట్ ఆఫీసర్ అని, చాలా క్రమశిక్షణతో ఉంటారని.. ఎప్పుడూ బాధితులకు న్యాయం చేయడం కోసం శ్రమిస్తారని తెలిపారు. అందరిలా ఆయన కూడా ఫ్యామిలీ మ్యాన్ అని చెబుతున్నారు.