విశాఖ డాక్టర్ సుధాకర్ సంచలన లేఖ.. ఆ మెడిసిన్లు తనకు వద్దంటూా!

విశాఖ డాక్టర్ సుధాకర్ వ్యవహారం మరోసారి హాట్ టాపిక్ అయ్యింది. తాజాగా ఆయన విశాఖ మానసిక ఆస్పత్రి సూపరింటెండెంట్‌కు సుధాకర్‌ లేఖ రాయడం ఆసక్తికరంగా మరింది. తనకు మానసిక రోగికి ఇచ్చే మందులు ఇస్తున్నారని.. తనకు ఎలాంటి మానసిక సమస్య లేదన్నారు. తనకు ఏ రోజు ఏ మందులు ఇచ్చారో లేఖలో ప్రస్తావించారు. ఈ మందుల ఉపయోగించడం వల్ల తనకు సైడ్ ఎఫెక్ట్స్ వస్తున్నాయన్నారు. ఆరోగ్యపరంగా కూడా కొన్ని సమస్యల్ని ఎదుర్కుంటున్నానని ఓ ఫోటోను కూడా జతపరిచారు. తనను వెంటనే మరో ఆస్పత్రికి తరలించాలని లేఖలో కోరారు.

Read Also: పంచాయతీ కార్యాలయాలకు రంగులు.. జగన్ సర్కార్ సంచలన నిర్ణయం

ఈ నెల 16న డాక్టర్ సుధాకర్‌ను విశాఖలో పోలీసులు అరెస్ట్ చేసి కేజీహెచ్‌కు తరలించారు. అతడి మానసిక స్థితి సరిగా లేదని మానసిక ఆస్పత్రికి తరలించారు. తర్వాత ఈ వ్యవహారం హైకోర్టుకు చేరగా.. మెజిస్ట్రేట్‌తో సుధాకర్ స్టేట్మెంట్‌ను రికార్డ్ చేయించారు. తర్వాత హైకోర్టు ఈ కేసును సీబీఐకి అప్పగిస్తూ సంచలన నిర్ణయం తీసుకుంది. బాధ్యులైన పోలీసులపై కేసులు నమోదు చేసి.. 8 వారాల్లో నివేదిక ఇవ్వాలని కోర్టు ఆదేశించింది. నర్సీపట్నం ప్రభుత్వ ఆస్పత్రిలో డాక్టర్ సుధాకర్ విధులు నిర్వహిస్తున్నారు.. మాస్కులు, కిట్లు లేవంటూ ఆయన గతంలో వ్యాఖ్యలు చేశారు. తర్వాత ప్రభుత్వం ఆయన్ను సస్పెండ్ చేసింది.