యాప్నగరం

YS Jaganకు షాకిచ్చిన టీడీపీ.. ఆ వీడియోతో సీఎం టార్గెట్, తెలుగు తమ్ముళ్లు ట్విస్ట్

టీడీపీ జాతీయ ప్రధాన కార్యదర్శి నారా లోకేష్ జగన్‌ వీడియోను ట్వీట్ చేశారు. ముఖ్యమంత్రి గారు Demographic Imbalance అంటే కుల అసమతుల్యత కాదు అంటూ మరో ఎమ్మెల్యే ట్వీట్ చేశారు.

Samayam Telugu 26 Dec 2020, 9:33 am
ఏపీ ముఖ్యమంత్రి వైఎస్ జగన్‌ను టీడీపీ టార్గెట్ చేసింది. తూర్పుగోదావరి జిల్లాలో ఇళ్ల పట్టాల పంపిణీ తర్వాత సీఎం చేసిన వ్యాఖ్యలపై సోషల్ మీడియాలో ట్రోల్ చేస్తోంది. టీడీపీ జాతీయ ప్రధాన కార్యదర్శి నారా లోకేష్ జగన్‌ వీడియోను ట్వీట్ చేశారు. ‘జనాభా అసమతుల్యానికి, కుల అసమతుల్యానికి తేడా తెలియని వాడు సీఎం అయితే ఇలానే ఉంటుంది. డెమోగ్రాఫిక్ ఇంబ్యాలెన్స్ అంటే కుల అసమతుల్యం కాదని తెలిసి కూడా కుల విద్వేషం రెచ్చగొట్టడానికి ప్రయత్నించారు.అందుకే నిన్ను ఫేక్ సీఎం అనేది. నువ్వు ఒకే సామాజిక వర్గానికి ముఖ్యమైన 850 పోస్టులు కట్టబెట్టి బడుగు, బలహీన వర్గాలకు ముష్టి పడేసావ్ చూసావా అది కుల అసమతుల్యం. ఒక్క నిరుద్యోగికైనా ఉద్యోగం ఇచ్చావా? ఒక్క అభివృద్ధి కార్యక్రమం చేసావా? ఇంకెంత కాలం నీ దరిద్రపు కుల రాజకీయం’ అన్నారు లోకేష్.
Samayam Telugu సీఎం జగన్

టీడీపీ సీనియర్ ఎమ్మెల్యే గోరంట్ల బుచ్చయ్య చౌదరి కూడా దీనిపై స్పందించారు. ‘అయ్యా ముఖ్యమంత్రి గారు Demographic Imbalance అంటే కుల అసమతుల్యత కాదు. మీకోసమే దాని అర్థం పెడుతున్నాం. ఎందుకు ముఖ్యమంత్రి గారు ఒక బాధ్యతాయుత పదవి లో ఉండి ప్రజల్లో విద్వేషాలు రెచ్చగొట్టే ప్రయత్నం చేస్తున్నారు’అంటూ ట్వీట్ చేశారు.
అన్ని కులాలు, మతాలు, ప్రాంతాలు కలిసి ఉంటేనే అది రాజధాని అవుతుందని, అటువంటి రాజధానిని నిర్మిస్తామని సీఎం జగన్‌ అన్నారు. పేదలు సహా ఏ కులం ఉండకూడదంటే.. దానిని రాజధాని అంటారా అని ప్రశ్నించారు. కేసులు, స్టేలు ఉండడంతో కొంతమందికి ఇళ్ల పట్టాలు ఇవ్వలేకపోయామన్నారు. అమరావతిలో 54 వేల మంది పేదలకు పట్టాలివ్వాలని కార్యాచరణ చేపట్టి ముందడుగు వేస్తే.. కులపరమైన అసమతుల్యత (డెమోగ్రాఫిక్‌ ఇంబ్యాలెన్స్‌) అంటూ గత ప్రభుత్వానికి చెందిన వాళ్లు కోర్టుకు వెళ్లడంతో న్యాయస్థానం స్టే విధించిందన్నారు. ఆ పిటిషన్‌ను చూసి కోర్టు స్టే ఇవ్వడం తనకు ఆశ్చర్యంగా అనిపించిందన్నారు. అన్ని కులాలు, మతాలు, ప్రాంతాలు అంతా కలిసి ఉంటేనే రాజధాని అంటారు. అందరికీ చోటు ఇస్తేనే అది సమాజం అన్నారు. ఏ కులమూ ఉండకూడదు, పేదలు ఉండకూడదు.. ఉంటే కులాలు మారిపోతాయనే స్థాయికి వెళ్తే దానిని రాజధాని అంటారా అని ప్రశ్నించారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.