కాకినాడ: కెమికల్ ఫ్యాక్టరీలో పేలుడు.. ఇద్దరి మృతి

తూర్పు గోదావరి జిల్లా కాకినాడ సమీపంలోని సర్పవరంలో విషాదం చోటు చేసుకుంది. టైకీ కెమికల్ ఫ్యాక్టరీలో బాయిలర్ పేలింది. ఈ ఘటనలో ఇద్దరు కార్మికులు మృతి చెందారు. మరో నలుగురు కార్మికులు తీవ్రంగా గాయపడ్డారు. గాయపడిన వారిని మాధవపట్నంలోని ఓ ప్రైవేట్ ఆస్పత్రికి తరలించి చికిత్స అందిస్తున్నారు. వీరిలో ఒకరి పరిస్థితి విషమంగా ఉన్నట్లు తెలుస్తోంది. బాయిలర్ పేలుడుతో పరిశ్రమలో పెద్ద ఎత్తున మంటలు చెలరేగాయి. పరిసర ప్రాంతాల్లో దట్టమైన పొగ కమ్ముకుంది.


గురువారం (మార్చి 11) మధ్యాహ్నం ఈ ప్రమాదం చోటు చేసుకుంది. సమాచారం అందుకున్న అగ్నిమాపక సిబ్బంది హుటాహుటిన ఘటనా స్థలికి చేరుకున్నారు. మంటలను అదుపులోకి తీసుకొచ్చారు. స్థానిక ఎమ్మెల్యే, మంత్రి కన్నబాబు ఘటనాస్థలికి చేరుకొని సహాయక చర్యలను పర్యవేక్షిస్తున్నారు. ప్రమాదానికి గల కారణాలు తెలియాల్సి ఉంది.

Also Read: పిల్లిని చంపేందుకు పాలలో విషం.. సీన్ రివర్స్, బాలుడికి ప్రాణగండం