విశాఖ జిల్లాలో కాల్పుల మోత.. నిన్న తప్పించుకున్న మావోలే టార్గెట్!

విశాఖపట్నం జిల్లాలో మరో ఎన్‌కౌంటర్ చోటుచేసుకుంది. మావోయిస్టులకు పోలీసులకు మధ్య కాల్పులు జరుగుతున్నట్లు సమాచారం. నిన్న జరిగిన ఎన్‌కౌంటర్‌లో ముగ్గురు మావోయిస్టులు చనిపోయిన విషయం తెలిసిందే. ఆ ఎన్‌కౌంటర్‌లో తప్పించుకున్న మరో 12 మంది మావోయిస్టుల కోసం పోలీసు బలగాలు ముమ్మరంగా కూంబింగ్ చేపట్టాయి.

Must Read:రివర్స్‌ టెండరింగ్‌ ఓ డ్రామా.. తెరవెనుక వేరే కథ! దేవినేని ఉమ సంచలన వ్యాఖ్యలు

విశాఖ జిల్లా జీకే వీధి అటవీ ప్రాంతంలో కూంబింగ్‌ నిర్వహిస్తుండగా పోలీసు బలగాలకు పీమలగింది వద్ద మావోయిస్టులు తారసపడడంతో కాల్పులు జరిపినట్లు తెలుస్తోంది. మావోయిస్టులు, పోలీసుల మధ్య ఎదురుకాల్పులు జరుగుతున్నట్ల సమాచారం. ఈ కాల్పుల్లో ఇద్దరు మరణించినట్లు తెలుస్తోంది. పోలీసులు మూడు ఆయుధాలను స్వాధీనం చేసుకున్నారు. చత్తీస్‌గఢ్ నుంచి మావోయిస్టులు ఆంధ్రా ఒడిశా బోర్డర్(ఏవోబీ)లోకి చొరబడినట్లు తెలుస్తోంది.

Also Read: పోలవరం రివర్స్ టెండర్లు చెల్లనట్టేనా.! అసలు ఆ జీవో ఏం చెబుతోంది?

అరకు ఎమ్మెల్యే కిడారి సర్వేశ్వరరావును మావోయిస్టులు కాల్చి చంపిన సరిగ్గా ఏడాదికి ఈ ఎన్‌కౌంటర్ జరిగింది. నిన్న జరిగిన ఎన్‌కౌంటర్‌లో ఎమ్మెల్యే హత్యకు నాయకత్వం వహించిన మావో కమాండర్ అరుణతో సహా మరో ఇద్దరు చనిపోయారు. మరో ఇద్దరికి తీవ్రగాయాలైనట్లు తెలుస్తోంది.