దొంగతనం అంటగట్టి ఓనర్ వేధింపులు.. ఏలూరులో కుటుంబం ఆత్మహత్యాయత్నం

గొలుసు దొంగతనం చేశావంటూ యజమాని వేధింపులకు గురిచేయడంతో ఓ వ్యక్తి కుటుంబంతో సహా ఆత్మహత్యాయత్నానికి పాల్పడిన ఘటన పశ్చిమ గోదావరి జిల్లాలో జరిగింది. దొంగతనం అంటగట్టి హింసించడంతో తన భార్య, ఇద్దరు పిల్లలకు కూడా విషం తాగించి ఆత్మహత్యకు యత్నించాడు. ప్రస్తుతం ఆస్పత్రిలో చికిత్స పొందుతున్నట్లు సమాచారం.

ఏలూరు మాజీ మేయర్ నూర్జహాన్ ఇంట్లో పనిచేసే పామర్తి రాంబాబు కుటుంబంతో సహా ఆత్మహత్యా యత్నం చేశాడు. తన భార్య, ఇద్దరు పిల్లలకు కూడా విషమిచ్చి.. తాను కూడా విషం తాగాడు. తాను పనిచేస్తున్న ఇంట్లో బంగారు గొలుసు కనిపించడం లేదని.. తనపై దొంగతనం నేరం మోపి యజమాని హింసించారని రాంబాబు ఆరోపిస్తున్నాడు.

Also Read: అమలాపురంలో దారుణం.. డిగ్రీ విద్యార్థినిపై అత్యాచారం

దొంగతనం అంటగట్టడం.. యజమాని వేధింపులకు గురిచేయడంతో మనస్థాపానికి గురై కుటుంబంతో సహా ఆత్మహత్యాయత్నం చేసినట్లు రాంబాబు చెబుతున్నారు. ప్రస్తుతం రాంబాబు, కుటుంబ సభ్యుల ఆరోగ్య పరిస్థితి నిలకడగా ఉన్నట్లు తెలుస్తోంది. పోలీసు కేసు నమోదు చేసుకుని దర్యాప్తు చేపట్టారు.