ఏపీలో ఘోరం.. మైనర్ బాలికపై గ్రామ వలంటీర్ అత్యాచారం..!

చిత్తూరు జిల్లా పుంగనూరు మండలం గూడూరుపల్లెలో దారుణ ఘటన వెలుగులోకి వచ్చింది. మైనర్ బాలికపై గ్రామ వలంటీర్ నరేష్ అత్యాచారానికి పాల్పడ్డాడు. 9వ తరగతి చదువుతున్న విద్యార్థిని స్నానం చేసి ఇంట్లోకి వెళ్తుండగా అటకాయించి అఘాయిత్యానికి పాల్పడ్డాడు. ఈ సంఘటన జరిగిన రెండు రోజులు తర్వాత బాధిత బాలిక తల్లిదండ్రులు శుక్రవారం పోలీసులకు ఫిర్యాదు చేశారు.

అయితే కేసు లేకుండా చూసేందుకు స్థానిక నాయకులు, గ్రామ పెద్దలు పంచాయితీ నిర్వహించినట్లు తెలుస్తోంది. అయితే పంచాయితీ విఫలం కావడంతో బాలిక తల్లిదండ్రులు పుంగనూరు పోలీసులకు ఫిర్యాదు చేశారు. దీనిపై కేసు నమోదు చేసుకున్న పోలీసులు దర్యాప్తు చేపట్టారు.