గుంటూరు: మహిళా గ్రామ వలంటీర్ ఆత్మహత్య!

గుంటూరు జిల్లా సత్తెనపల్లి మండలం భీమవరంలో విషాద ఘటన వెలుగులోకి వచ్చింది. గ్రామ వలంటీర్ మానుకొండ రాజేశ్వరి (26) అనే యువతి సోమవారం ఆత్మహత్యకు పాల్పడింది. కుటుంబ కలహాల నేపథ్యంలో ఆమె ఇంట్లోనే ఉరి వేసుకుని ప్రాణాలు తీసుకున్నట్లు తెలుస్తోంది. ఆదివారం గదిలోకి వెళ్లిన యువతి ఎంతకీ బయటకు రావడంతో కుటుంబ సభ్యులకు అనుమానం వచ్చి చూశారు.

అయితే యువతి గదిలో ఉరేసుకుని ఉండటం చూసి కుటుంబ సభ్యులు షాక్‌కు గురయ్యారు. వెంటనే తలుపులు తెరిచి చూడగా, అప్పటికే యువతి మరణించి ఉంది. గ్రామ వలంటీర్‌గా నిరంతరం ప్రజల మధ్య తిరిగే యువతి మరణించడంతో గ్రామంలో, కుటుంబంలో విషాదఛాయలు అలుముకున్నాయి.

యువతి ఆత్మహత్యపై కేసు నమోదు చేసుకున్న పోలీసులు దర్యాప్తు చేస్తున్నారు. ఆత్మహత్యకు గల కారణాలపై అన్వేషిస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది. కాగా, లాక్ డౌన్ నేపథ్యంలో గ్రామ వలంటీర్లు కీలకంగా వ్యవహరిస్తున్న విషయం తెలిసిందే.