ఏపీకి భారీ వర్ష సూచన.. ఈ జిల్లాలకు అధికారుల అలర్ట్

ఏపీలో భారీ వర్షాలు కురుస్తాయంటోంది వాతావరణశాఖ. కొమరిన్‌ ప్రాంతాల్లో ఏర్పడిన ఉపరితల ఆవర్తనం దక్షిణ కోస్తాంధ్ర తీరానికి సమీపంలోని నైరుతి బంగాళాఖాతం వరకు వ్యాపించింది. ఇది సముద్ర మట్టానికి 3.1 కి.మీ ఎత్తులో కొనసాగుతోంది. ఈ ప్రభావంతో రాష్ట్రంలో నేడు, రేపు అక్కడక్కడా తేలికపాటి నుంచి ఓ మోస్తరు వానలు కురుస్తాయని అధికారులు చెబుతున్నారు. దక్షిణ కోస్తాలో సోమవారం ఒకట్రెండు చోట్ల భారీ వర్షాలు పడే సూచనలున్నాయని తెలిపారు.

ఇదిలా ఉంటే గత రెండు, మూడు రోజులుగా ఏపీలోని పలు జిల్లాల్లో భారీ నుంచి ఓ మోస్తరు వర్షాలు కురిశాయి. చిత్తూరు, నెల్లూరు, ప్రకాశం జిల్లాల్లో వానలు పడ్డాయి. ఆదివారం దక్షిణకోస్తా, రాయలసీమ జిల్లాల్లో అక్కడక్కడ తేలికపాటి నుంచి మోస్తరు వర్షాలు పడ్డాయి. సోమ, మంగళవారాల్లో ఉత్తరాంధ్రలో అక్కడక్కడ తేలికపాటి జల్లులు, దక్షిణకోస్తా, రాయలసీమల్లో ఉరుములు, మెరుపులతో ఓ మోస్తరు నుంచి భారీ వర్షాలు కురిసే అవకాశం ఉందని వాతావరణ కేంద్రం తెలిపింది.