ఇంటర్ పరీక్ష రాసేందుకు వచ్చిన ఓ విద్యార్థినికి అకస్మాత్తుగా పురిటినొప్పులు వచ్చాయి. దీంతో ఆమెను హుటాహుటిన ఆస్పత్రికి తరలించారు. పార్వతీపురం మన్యం జిల్లా కేంద్రంలో ఈ ఘటన చోటు చేసుకుంది. ఏపీలో ఇంటర్ పరీక్షలు బుధవారం (మార్చి 15) నుంచి ప్రారంభమయ్యాయి. పార్వతీపురం ప్రభుత్వ జూనియర్ కళాశాలలో ఏర్పాటు చేసిన పరీక్షా కేంద్రంలో కొత్తవలసకు చెందిన ఓ వివాహిత (22 ఏళ్లు) ఇంటర్ మొదటి సంవత్సరం పరీక్ష రాసేందుకు వచ్చారు. ఆమె 9 నెలల నిండు గర్భిణీ. అయినప్పటికీ, పరీక్ష రాయాలనే సంకల్పంతో వచ్చారు. పరీక్షా కేంద్రం వద్దకు రాగానే ఆమెకు పురిటినొప్పులు ప్రారంభమయ్యాయి.
AP News: ఇంటర్ పరీక్ష రాస్తుండగా పురిటినొప్పులు
AP Inter Exams: ఇంటర్ మొదటి సంవత్సరం పరీక్ష రాసేందుకు వచ్చిన ఓ విద్యార్థిని.. పరీక్షా కేంద్రం వద్దకు రాగానే పురిటినొప్పులతో బాధపడింది. వెంటనే ఆమెను ఆస్పత్రికి తరలించారు. ఆంధ్ర ప్రదేశ్‌లోని పార్వతీపురం పట్టణంలో ఈ ఘటన చోటు చేసుకుంది. కొత్తవలసకు చెందిన 22 ఏళ్ల మహిళకు పెళ్లై గర్భం దాల్చారు. వివాహమైనా చదువు కొనసాగిస్తున్నారు. వెటర్నరీ జాబ్ కోసం ఇంటర్ అర్హత సాధించడం తప్పనిసరి అని, అందుకే పరీక్ష రాయడానికి తీసుకొచ్చానని ఆమె భర్త తెలిపారు.
ప్రధానాంశాలు:
- ఇంటర్ ఫస్ట్ ఇయర్ పరీక్ష రాసేందుకు వచ్చిన విద్యార్థినికి పురిటినొప్పులు
- 108లో వెంటనే ఆస్పత్రికి తరలించిన కాలేజీ ప్రిన్సిపాల్
- ఆంధ్రప్రదేశ్‌లోని పార్వతీపురంలో ఘటన
