చంద్రబాబు మాజీ పీఎస్ శ్రీనివాస్ ఇంట్లో ఐటీ సోదాలు

టీడీపీ అధినేత, మాజీ ముఖ్యమంత్రి చంద్రబాబు మాజీ పీఎస్ శ్రీనివాస్ ఇంట్లో ఐటీ సోదాలు జరుగుతున్నాయి. విజయవాడతో పాటూ హైదరాబాద్‌లోని చంపాపేటలో ఉన్న ఇళ్లలో అధికారులు తనిఖీలు చేస్తున్నారు. ఆదాయానికి మించి ఆస్తులు ఉన్నాయనే ఆరోపణలతో ఈ రైడ్స్ జరుగుతున్నట్లు తెలుస్తోంది. సీబీఐ అధికారుల వెంట సీఐఎస్‌ఎఫ్ బలగాలు కూడా వచ్చాయి.. వారికి భద్రతగా ఉన్నాయి.

సచివాలయ ఉద్యోగి అయిన శ్రీనివాస్ 2019 వరకు చంద్రబాబు దగ్గర పీఎస్‌గా పని చేశారు. ఆయన పెద్ద మొత్తంలో ఆస్తులను కూడా పెట్టారనే ఆరోపణలు వచ్చాయట. అలాగే కొన్ని కంపెనీలను ఏర్పాటు చేశారని తెలుస్తోంది. అందుకే ఐటీ అధికారులు సోదాలు చేస్తున్నారని ప్రచారం జరుగుతోంది. శ్రీనివాస్ ఇల్లు, కార్యాలయంపై ఐటీ అధికారులు ఏకకాలంలో సోదాలు నిర్వహిస్తున్నారు. శ్రీనివాస్‌కు సంబంధించి దాదాపు రూ.150 కోట్ల పైచిలుకు వ్యవహారాలకు సంబంధించి ఈ రైడ్స్ జరుగుతున్నట్లు తెలుస్తోంది.