Sankranti: తెలుగువారందరికీ సంక్రాంతి శుభాకాంక్షలు: జగన్, చంద్రబాబు

Sankranti: ప్రపంచవ్యాప్తంగా ఉన్న తెలుగు ప్రజలందరికీ.. ముఖ్యమంత్రి వైఎస్ జగన్ మెహన్ రెడ్డి, ప్రతిపక్ష నేత చంద్రబాబు నాయుడు సంక్రాంతి శుభాకాంక్షలు చెప్పారు. పేద, ధనిక తారతమ్యాలు లేకుండా అన్ని వర్గాల ప్రజలు పండుగను సంతోషంగా జరుపుకోవాలని ఆకాంక్షించారు.

'సంక్రాంతి పల్లెల పండుగ. రైతుల పండుగ. మన అక్కచెల్లెమ్మల పండుగ. మొత్తంగా మన సంస్కృతీ, సంప్రదాయాలను ప్రతిబింబించే అచ్చ తెలుగు పండుగ. రాష్ట్ర ప్రజలకు, ప్రపంచవ్యాప్తంగా ఉన్న తెలుగువారందరికీ సంక్రాంతి శుభాకాంక్షలు. భోగి మంటలు, రంగ వల్లులు, హరిదాసుల కీర్తనలు, గంగిరెద్దుల ఆటలు, గాలి పటాల సందళ్లు, పైరు పచ్చల కళకళలు గ్రామాల్లో సంక్రాంతి శోభను తీసుకువచ్చాయి. భోగి, సంక్రాంతి, కనుమ పండుగలను ప్రతి కుటుంబం సంతోషంగా జరుపుకోవాలి. ఈ మకర సంక్రాంతి రాష్ట్రంలోని ప్రతి ఒక్కరి జీవితాల్లో మరింత ప్రగతితో కూడిన మార్పును తీసుకురావాలి. పండుగ తెచ్చే సంబరాలతో తెలుగు లోగిళ్లలో.. ప్రతి ఇంటా ఆనందాల సిరులు వెల్లివిరియాలి' అని ముఖ్యమంత్రి జగన్ (YS Jagan Mohan Reddy) ఆకాంక్షించారు.

'ప్రపంచవ్యాప్తంగా ఉన్న తెలుగు ప్రజలందరికీ.. భోగి, సంక్రాంతి పండుగ శుభాకాంక్షలు. ధనిక, పేద తారతమ్యాలు లేకుండా అన్ని వర్గాల ప్రజలు పండుగను సంతోషంగా జరుపుకోవాలి. తెలుగుదేశం పార్టీ ఆధికారంలో ఉన్నప్పుడు తొలిసారిగా పేదలకు పండుగ కానుకలను ఇచ్చే సంప్రదాయానికి నాంది పలికాం. సంక్రాంతి కానుకతో పాటు రంజాన్, క్రిస్మస్ పర్వదినాలకు కూడా మొత్తం కోటిన్నర కుటుంబాలకు పండుగ కానుకను ఇచ్చాం' అని ప్రతిపక్ష నేత చంద్రబాబు నాయుడు (Chandrababu Naidu) వ్యాఖ్యానించారు.

• Read Latest Andhra Pradesh News and Telugu News