తన పుట్టిన రోజు నాడు శుభాకాంక్షలు తెలిపిన అందరికి జనసేన పార్టీ పవన్ కళ్యాణ్ ట్విట్టర్ వేదికగా ధన్యవాదాలు తెలిపారు. ఈ క్రమంలో వైఎస్సార్‌సీపీ ఎంపీపై ప్రశంసలు కురిపించారు.
Samayam Telugu3 Sep 2020, 8:39 am
జనసేన అధినేత పవన్ కళ్యాణ్ బుధవారం తన పుట్టిన రోజు జరుపుకున్నారు. జనసేనానికి అన్ని రంగాల ప్రముఖులు, అభిమానులు, పార్టీ కార్యకర్తలు శుభాకాంక్షలు తెలియజేశారు. అలాగే కొంతమంది సేవా కార్యక్రమాలు చేపట్టారు. ఇదిలా ఉంటే తన పుట్టిన రోజు నాడు శుభాకాంక్షలు తెలిపిన అందరికి పవన్ ధన్యవాదాలు తెలిపారు. ఈ క్రమంలో వైఎస్సార్‌సీపీ ఎంపీపై ప్రశంసలు కురిపించారు.
నర్సాపురం ఎంపీ రఘురామకృష్ణరాజును జనసేన అధినేత పవన్ కళ్యాణ్ పొగిడేశారు. పుట్టినరోజు సందర్భంగా తనకు శుభాకాంక్షలు తెలిపినందుకు రఘురామరాజు‌కు జనసేన అధినేత ధన్యవాదాలు తెలిపారు. అలాగే దేవాలయాలు, వారసత్వంగా ఉన్న సంపదనను కాపాడేందుకు ఆయన పడుతున్న శ్రమకు అభినందనలు తెలియజేశారు.
నర్సాపురం ఎంపీ గతంలో టీటీడీ ఆస్తులు అమ్మాలని ప్రభుత్వం భావించిందని తెలియడంతో స్పందించారు. అధికార పార్టీకి చెందిన ఎంపీ అయినా ఆ నిర్ణయాన్ని వ్యతిరేకించారు. తిరుమల శ్రీవారికి భక్తులు కానుకగా ఇచ్చిన భూములు, ఆస్తులు విక్రయిస్తే భక్తుల మనోభావాలు దెబ్బతింటాయని వ్యాఖ్యానించారు. హిందువుల మనోభావాలు దెబ్బతినకుండా చూడాలని సూచించారు. కానీ తర్వాత ప్రభుత్వం టీటీడీ ఆస్తుల్ని అమ్మడం లేదని క్లారిటీ ఇచ్చింది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
