తమిళనాడులో చిక్కుకున్న మత్స్యకారులు.. పవన్ కళ్యాణ్ స్పెషల్ రిక్వెస్ట్

కరోనా వైరస్ (కోవిడ్ 19) వ్యాప్తిని అడ్డుకునేందుకు దేశవ్యాప్తంగా లాక్ డౌన్ అమలవుతున్న తరుణంలో ఏపీకి చెందిన మత్స్యకారులు చేపల వేట కోసం తమిళనాడుకు వెళ్లి చిక్కుకుపోయారని జనసేన అధినేత పవన్ కళ్యాణ్ తెలిపారు. ఈ మేరకు ఆదివారం రాత్రి ఆయ ట్వీట్ చేశారు. శ్రీకాకుళం జిల్లా సోంపేట మండలం సీహెచ్ చొలగండి గ్రామం నుంచి చేపల వేట కోసం 30 మంది మత్స్యకారులు తమిళనాడు తీర ప్రాంతానికి వెళ్లారని తెలిపారు.

అయితే మంది లాక్ డౌన్ వల్ల వారంతా చెన్నై హార్బర్ దగ్గర చిక్కుకుపోయారని పవన్ కళ్యాణ్ పేర్కొన్నారు. ఆ మత్స్యకారులకు అక్కడ వసతి, భోజనం లేక ఇబ్బందులు పడుతుండటంతో వారి కుటుంబాలు తీవ్ర ఆందోళనలో ఉన్నాయని తెలిపారు. జనసేన నాయకుల ద్వారా తనకు ఈ సమాచారం తెలిసిందన్నారు.

Also Read: ఇంకా క్యూలు ఏంటి.. గ్రామ వలంటీర్లపై పవన్ కళ్యాణ్ విమర్శలు

చెన్నై హార్బర్‌ దగ్గర చిక్కుకుపోయిన మత్స్యకారులకు తగిన సదుపాయాలు కల్పించి వారిని సంరక్షించాల్సిందిగా తమిళనాడు ముఖ్యమంత్రి పళనిస్వామికి విజ్ఞప్తి చేస్తున్నట్లు పేర్కొన్నారు. అలాగే ఆ మత్స్యకారుల యోగ క్షేమాలను తెలుసుకుని వారి కుటుంబాలకు ధైర్యం చెప్పాల్సిందిగా శ్రీకాకుళం జిల్లా కలెక్టర్‌ను కోరుతున్నట్లు తెలిపారు.