ఇటీవల నిర్వహించిన మహానాడు భారీ సక్సెస్ కావడంతో టీడీపీ జిల్లాల్లో మినీ మహానాడులను నిర్వహిస్తోన్న సంగతి తెలిసిందే. దీంతో ప్రతిపక్షానికి కౌంటర్‌గా.. వైఎస్సార్సీపీ సైతం నియోజకవర్గాల్లో ప్లీనరీలను ఏర్పాటు చేస్తోంది. సోమవారం పి.గన్నవరం నియోజకవర్గంలో ప్లీనరీ నిర్వహించారు. పి.గన్నవరం మండలంలోని చాకలిపాలెంలో ఉన్న శ్రీకృష్ణా ఫంక్షన్ హాల్‌లో స్థానిక ఎమ్మెల్యే కొండేటి చిట్టిబాబు ఆధ్వర్యంలో ఈ ప్లీనరీ నిర్వహించారు. ఈ కార్యక్రమానికి ఎంపీలు పిల్లి సుభాష్ చంద్రబోస్, చింతా అనురాధ సహా.. పార్టీకి చెందిన పలువురు నేతలు హాజయ్యారు.
ఈ సందర్భంగా రాపాక మాట్లాడుతూ.. అభివృద్ధి కార్యక్రమాలు చేపడుతున్న జగన్‌ను మళ్లీ గెలిపించాలని పిలుపునిచ్చారు. తన నియోజకవర్గ పరిధిలో రోడ్ల కోసం జగన్ రూ.13 కోట్లకుపైగా నిధులు మంజూరు చేశారని.. రానున్న ఆరు నెలల్లో రోడ్లు పూర్తి స్థాయిలో కంప్లీట్ చేస్తామన్నారు.
గత ప్రభుత్వ హయాంలో జన్మభూమి కమిటీల ద్వారా దోచుకున్నారని.. ఇప్పుడు వాలంటీర్ వ్యవస్థతో నేరుగా అర్హులకు పథకాలు అందుతున్నాయని రాపాక ప్రశంసలు గుప్పించారు. పి.గన్నవరం ఎమ్మెల్యే కొండేటి చిట్టిబాబు కుమారుడు కొండేటి వికాస్.. రాపాక మెడలో వైసీపీ కండువా కప్పారు.
2019 అసెంబ్లీ ఎన్నికల్లో జనసేన తరఫున గెలుపొందిన ఏకైక ఎమ్మెల్యే రాపాక అనే సంగతి తెలిసిందే. రాజోలు నుంచి ప్రాతినిధ్యం వహిస్తోన్న ఆయన.. గెలిచిన తొలినాళ్లలో అధికార పార్టీలో చేరేది లేదని తేల్చి చెప్పారు. జనసేనలో ఉంటే తానే నంబర్ 1 అని.. అదే వైఎస్సార్సీపీలోకి వెళ్తే.. తన నంబర్ 152 అని చెప్పారు. దీంతో జనసైనికులు ఫుల్ ఖుషీ అయ్యారు. కానీ కొంత కాలానికి ఆయన తీరు మారింది. అధికార పార్టీతో సన్నిహితంగా మెలగడం మొదలుపెట్టారు. వీలు కుదిరినప్పుడల్లా జగన్ పట్ల విధేయత చాటుకున్నారు. అంతే కాదు.. 2020 డిసెంబర్లో తన కుమారుడు వెంకట్రామ్‌ను జగన్ సమక్షంలో వైఎస్సార్సీపీలో చేర్పించారు.
వచ్చే అసెంబ్లీ ఎన్నికల్లో ఏ పార్టీ టికెట్ ఇచ్చినా పోటీ చేయడానికి అభ్యంతరం లేదని పరోక్షంగా వైఎస్సార్సీపీ తరఫున పోటీ సిద్ధమని ప్రకటించారు. తనకు పార్టీతో పని లేదని.. ప్రజాసేవతోనే పని అని రాపాక ఇటీవల వ్యాఖ్యానించారు.
జూన్ 29న రాజోలు నియోజకవర్గ స్థాయి ప్లీనరీ సమావేశం జరగనుండగా.. సోషల్ మీడియాలో రాపాక ఫొటోతో కూడిన ఫొటోతో ఆహ్వాన పత్రిక సోషల్ మీడియాలో చక్కర్లు కొడుతోంది. రాజోలు ప్లీనరీ రాపాక ఆధ్వర్యంలో జరుగుతుందేమో..?
ఈ సందర్భంగా రాపాక మాట్లాడుతూ.. అభివృద్ధి కార్యక్రమాలు చేపడుతున్న జగన్‌ను మళ్లీ గెలిపించాలని పిలుపునిచ్చారు. తన నియోజకవర్గ పరిధిలో రోడ్ల కోసం జగన్ రూ.13 కోట్లకుపైగా నిధులు మంజూరు చేశారని.. రానున్న ఆరు నెలల్లో రోడ్లు పూర్తి స్థాయిలో కంప్లీట్ చేస్తామన్నారు.
గత ప్రభుత్వ హయాంలో జన్మభూమి కమిటీల ద్వారా దోచుకున్నారని.. ఇప్పుడు వాలంటీర్ వ్యవస్థతో నేరుగా అర్హులకు పథకాలు అందుతున్నాయని రాపాక ప్రశంసలు గుప్పించారు. పి.గన్నవరం ఎమ్మెల్యే కొండేటి చిట్టిబాబు కుమారుడు కొండేటి వికాస్.. రాపాక మెడలో వైసీపీ కండువా కప్పారు.
2019 అసెంబ్లీ ఎన్నికల్లో జనసేన తరఫున గెలుపొందిన ఏకైక ఎమ్మెల్యే రాపాక అనే సంగతి తెలిసిందే. రాజోలు నుంచి ప్రాతినిధ్యం వహిస్తోన్న ఆయన.. గెలిచిన తొలినాళ్లలో అధికార పార్టీలో చేరేది లేదని తేల్చి చెప్పారు. జనసేనలో ఉంటే తానే నంబర్ 1 అని.. అదే వైఎస్సార్సీపీలోకి వెళ్తే.. తన నంబర్ 152 అని చెప్పారు. దీంతో జనసైనికులు ఫుల్ ఖుషీ అయ్యారు. కానీ కొంత కాలానికి ఆయన తీరు మారింది. అధికార పార్టీతో సన్నిహితంగా మెలగడం మొదలుపెట్టారు. వీలు కుదిరినప్పుడల్లా జగన్ పట్ల విధేయత చాటుకున్నారు. అంతే కాదు.. 2020 డిసెంబర్లో తన కుమారుడు వెంకట్రామ్‌ను జగన్ సమక్షంలో వైఎస్సార్సీపీలో చేర్పించారు.
వచ్చే అసెంబ్లీ ఎన్నికల్లో ఏ పార్టీ టికెట్ ఇచ్చినా పోటీ చేయడానికి అభ్యంతరం లేదని పరోక్షంగా వైఎస్సార్సీపీ తరఫున పోటీ సిద్ధమని ప్రకటించారు. తనకు పార్టీతో పని లేదని.. ప్రజాసేవతోనే పని అని రాపాక ఇటీవల వ్యాఖ్యానించారు.
జూన్ 29న రాజోలు నియోజకవర్గ స్థాయి ప్లీనరీ సమావేశం జరగనుండగా.. సోషల్ మీడియాలో రాపాక ఫొటోతో కూడిన ఫొటోతో ఆహ్వాన పత్రిక సోషల్ మీడియాలో చక్కర్లు కొడుతోంది. రాజోలు ప్లీనరీ రాపాక ఆధ్వర్యంలో జరుగుతుందేమో..?