సీఎఫ్ఐ ఏపీ ప్రధాన కార్యదర్శిగా లలిత్ కుమార్

కోచింగ్ ఫెడరేషన్ ఆఫ్ ఇండియా (సీఎఫ్ఐ) ఆంధ్రప్రదేశ్ రాష్ట్ర ప్రధాన కార్యదర్శిగా కె.లలిత్ కుమార్ నియమితులయ్యారు. ఈ మేరకు సీఎఫ్ఐ అధ్యక్షుడు వైభవ్ తివారీ సోమవారం ప్రకటన విడుదల చేశారు. లలిత్ కుమార్ ప్రస్తుతం ఏపీ ఐఐటీ- జేఈఈ/ నీట్ ఫోరమ్ డైరెక్టర్‌గా వ్యవహరిస్తున్నారు.

ఆంధ్రప్రదేశ్‌లో ఎలాంటి వివక్షకు తావు లేకుండా సీఎఫ్ఐ లక్ష్యాలను, సేవలను లలిత్ కుమార్ విస్తృతపరుస్తారని పూర్తిగా విశ్వసిస్తున్నట్లు వైభవ్ తివార్ తెలిపారు. ఏపీలో సీఎఫ్ఐ సంస్థను లలిత్ బలపరుస్తారని నమ్ముతున్నట్లు పేర్కొన్నారు. న్యూఢిల్లీ కేంద్రంగా సీఎఫ్ఐ సంస్థ పనిచేస్తోంది.

ఈ సంస్థ అధ్యక్షుడిగా వైభవ్ తివారి, ప్రధాన కార్యదర్శిగా అలోక్ దీక్షిత్, ఉపాధ్యక్షులుగా సౌరభ్ సక్సేనా, సత్యేంద్ర కతియార్, జాయింట్ సెక్రటరీగా వినయ్ కుష్వాహా పని చేస్తున్నారు.