వర్షంతో కపిలతీర్థం పరవళ్లు.. తిరుమల గిరుల్లో సరికొత్త అందాలను చూడండి

తిరుపతిలో కురిసిన భారీ వర్షంతో తిరుమల గిరులు జలధారలతో కొత్త శోభ సంతరించుకున్నాయి. సోమవారం (ఆగస్టు 19) కురిసిన భారీ వర్షంతో తిరుమల కొండలోని కపిలతీర్థం పవవళ్లు తొక్కుతోంది. ఎగువ నుంచి భారీ ప్రవాహం కొనసాగుతోంది. ఆకాశగంగను తలపిస్తున్న కపిలతీర్థం అందాలను వీక్షించడానికి పర్యాటకులు పోటెత్తారు. కపిలతీర్థం జలపాత ప్రవాహ ఉధృతిని దృష్టిలో ఉంచుకుని ఆలయానికి వచ్చే భక్తులను అధికారులు కోనేరులోకి దిగనివ్వడంలేదు. జలపాతం వద్ద స్నానం ఆచరించడాన్ని నిషేధించారు.

Don't Miss: శ్రీశైలం వివాదానికి ముగింపు పడినట్లేనా?

రెండు రోజులుగా చిత్తూరు జిల్లా వ్యాప్తంగా విస్తారంగా వర్షాలు కురుస్తున్నాయి. కపిల తీర్థం ఉప్పొంగి ప్రవహిస్తున్న దృశ్యాలను వీడియోలో చూడవచ్చు. కపిల తీర్థంతో పాటు మాలవాని గుంట జలపాతం కూడా ఉప్పుంగుతోంది.