విజయవాడలో లౌక్‌డౌన్ అంటూ ప్రచారం.. జిల్లా కలెక్టర్ క్లారిటీ

విజయవాడలో లాక్‌డౌన్ వ్యవహారంపై కృష్ణా జిల్లా కలెక్టర్ స్పందించారు. ఈ నెల 26 నుంచి వారం రోజుల పాటు లాక్ డౌన్ అమలుచేయనున్నట్టు సామాజిక మాధ్యమాల్లో ప్రసారమవుతున్న వార్తా నిరాధారమైనదని కలెక్టర్ ఏ.యండి.ఇంతియాజ్ ఒక ప్రకటనలో తెలిపారు. ఇటువంటి తప్పుడు వార్తలతో ప్రజలను ఇబ్బంది పెట్టవద్దని హెచ్చరించారు. విజయవాడలో ఎలాంటి లాక్‌డౌన్ లేదని క్లారిటీ ఇచ్చారు. ప్రజలు ఇలాంటి తప్పుడు ప్రచారాన్ని నమ్మొద్దంటున్నారు.

గత నెలలో కూడా విజయవాడలో లాక్‌డౌన్‌ అంటూ ప్రచారం జరిగింది. గత నెల 26 నుంచి విజయవాడలో లాక్‌డౌన్ విధించనున్నట్లు ముందు కలెక్టర్ ఆదేశాలు ఇచ్చారు. కరోనా కేసులు పెరుగుతుండటంతో ఈ నెల 26 నుంచి వారం రోజుల పాటు విజయవాడ నగరంలో పూర్తి స్థాయి లాక్‌డౌన్‌ అమలు చేస్తామని కలెక్టర్ ముందు కలెక్టర్ ప్రకటన విడుదల చేశారు. ప్రజలు నిత్యావసర వస్తువులు కొనుగోలు చేసుకోవాలని సూచించారు. ప్రభుత్వ, ప్రైవేటు కార్యాలయాలు కూడా వారంపాటు లాక్‌డౌన్‌ పాటించాలని ఆదేశించారు. కానీ కొద్దిసేపటికే ట్విస్ట్ ఇచ్చారు. మళ్లీ కొద్దిసేపటికే ఆ ఉత్తర్వులను రద్దు చేస్తూ జిల్లా కలెక్టర్ ఇంతియాజ్ మరో ప్రకటన విడుదల చేశారు. దీంతో విజయవాడ ప్రజలు కాస్త అయోమయానికి గురికాగా.. కలెక్టర్ మళ్లీ ప్రకటన విడుదల చేయడంతో క్లారిటీ వచ్చింది.