చిత్తూరు: ఇంటర్‌లో ప్రేమ.. 10 రోజుల నుంచి మిస్సింగ్.. చెట్టుకు వేలాడిన జంట

చిత్తూరు జిల్లాలో దారుణ ఘటన జరిగింది. సోమల అటవీ ప్రాంతంలో ప్రేమజంట ఆత్మహత్య కలకలంరేపింది. శుక్రవారం సాయంత్రం అటవీ ప్రాంతంలో ప్రేమజంట చెట్టుకు వేలాడుతుండటాన్ని గమనించిన స్థానికులు పోలీసులకు సమాచారం అందించారు. వెంటనే రంగంలోకి దిగిన పోలీసులు.. మృతుల వివరాలనపై ఆరా తీశారు.. దీంతో కొత్త ట్విస్ట్ బయటపడింది. 10 రోజుల క్రితం కనిపించకుండా పోయిన జంటగా గుర్తించారు.

పది రోజుల క్రితం ఇంటర్ విద్యార్థిని హేమలత, ఆటో డ్రైవర్ ముని కనిపించకుండా పోయారు. తల్లిదండ్రులు పోలీసులకు ఫిర్యాదు చేయడంతో మిస్సింగ్ కేసు నమోదు చేశారు. ఈ కేసు దర్యాప్తు కొనసాగుతున్న సమయంలోనే.. అటవీ ప్రాంతంలో శవాలై కనిపించారు. వీరిద్దరూ కొద్దిరోజులుగా ప్రేమించుకుంటున్నారు. పెద్దలు పెళ్లికి ఒప్పుకోరనే భయంతో ఇంట్లో నుంచి వెళ్లిపోయినట్లు తెలుస్తోంది. ప్రేమజంట ఆత్మహత్యతో రెండు కుటుంబాల్లో విషాదచాయలు అలముకున్నాయి. ఈ ఘటనకు సంబంధించిన పూర్తి వివరాలు తెలియాల్సి ఉంది.