విశాఖ: ఫోన్‌లో మాట్లాడుతుండగా అనుకోని ప్రమాదం.. పాపం ప్రాణాలు పోయాయి

విశాఖ జిల్లాలో విషాద ఘటన జరిగింది. మొబైల్ పట్టుకోబోయి ప్రమాదవశాత్తూ బావిలో పడిపోవడంతో ఓ వ్యక్తి ప్రాణాలు పోయాయి. గాజువాక పెదనడుపూరుకు చెందిన కన్నయ్య అనే వ్యక్తి స్థానికంగా ఉన్న ఓ బావి దగ్గర నిలబడి కాల్ మాట్లాడుతుండగా పొరపాటున సెల్‌ఫోన్‌ జారింది.. పక్కనే ఉన్న బావిలో పడిపోయింది. బావిలోకి జారిపడిపోతున్న ఫోన్‌ను పట్టుకునేందుకు ప్రయత్నిస్తూ కన్నయ్య ప్రమాదవశాత్తూ బావిలో పడిపోయాడు.. కొద్దిసేపటికే ప్రాణాలు పోయాయి.

కన్నయ్య బావిలో పడిపోయాడని సమాచారం అందుకున్న పోలీసులు అక్కడకి చేరుకున్నారు.. ఘటనపై కేసు నమోదు చేసి దర్యాప్తు చేస్తున్నారు. పాపం ఫోన్ మాట్లాడుతూ మొబైల్ పడిపోవడంతో అతడి ప్రాణాలు పోయాయి. కన్నయ్య మరణంతో స్థానికంగా విషాద వాతావరణం కనిపించింది. అప్పటి వరకు తమ ముందు ఉత్సాహంగా తిరిగిన అతడు ఇక లేడని తెలిసి కుటుంబ సభ్యులు కన్నీరు మున్నీరయ్యారు.