విశాఖ: కరోనా పాజిటివ్ వ్యక్తి ఆత్మహత్య.. రెండు రోజుల తర్వాత ట్విస్ట్

విశాఖ విషాద ఘటన జరిగింది. నగరంలోని శాంతి నగర్‌కు చెందిన భూతల శ్రీను మహేష్ అనే వ్యక్తి భవనంపై నుంచి దూకి ప్రాణాలు తీసుకున్నాడు. ముందస్తు జాగ్రత్తగా అతడికి కరోనా పరీక్షలు నిర్వహించగా పాజిటివ్‌గా నిర్ధారణ అయింది. అతడికి ముందే పాజిటివ్ అని తెలిసినందునే ఆత్మహత్యకు పాల్పడి ఉండవచ్చని పోలీసులు అనుమానిస్తున్నారు. శ్రీను మరణం తర్వాత కరోనా అని తేలడంతో శాంతినగర్ వాసులు ఆందోళన వ్యక్తం చేస్తున్నారు. అంతేకాదు ఆ ప్రాంతానికి వెళ్లిన పోలీసులు కూడా భయపడిపోతున్నారు.

మరోవైపు విశాఖ జిల్లాలో కూడా కరోనా కేసుల సంఖ్య పెరుగుతోంది. సోమవారం జిల్లావ్యాప్తంగా 84 కేసులు నమోదుకాగా.. మొత్తం 1461 తేలాయి. వీరిలో 852మంది డిశ్చార్జ్ కాగా.. మరో 593మంది ఆస్పత్రిలో చికిత్సపొందుతున్నారు. జిల్లాలో ఇప్పటి వరకు 16మంది ప్రాణాలు కోల్పోయారు. కేసుల సంఖ్య పెరుగుతుండటంతో జిల్లావాసుల్లో భయాందోళనలు వ్యక్తమవుతున్నాయి.