AP Capital: మూడు రాజధానులపై అదిరిపోయే ట్విస్ట్.. బుగ్గన సంచలన వ్యాఖ్యలు

ఏపీ అసెంబ్లీలో సీఎం వైఎస్ జగన్ చేసిన వ్యాఖ్యలపై అలజడి రేగిన విషయం తెలిసిందే. రాష్ట్రానికి మూడు రాజధానులు ఉండొచ్చని ముఖ్యమంత్రి చేసిన ప్రకటనపై భిన్నాభిప్రాయాలు వ్యక్తమవుతున్నాయి. మూడు రాజధానుల ప్రతిపాదనను కొందరు తీవ్రంగా వ్యతిరేకిస్తుండగా.. మరికొందరు స్వాగతిస్తున్నారు. అయితే ఏపీలో మూడు రాజధానులు ఏర్పాటు చేయడం ఖాయమేనని సంకేతాలు కనిపిస్తున్న తరుణంలో క్యాబినెట్‌లో కీలక మంత్రిగా ఉన్న బుగ్గన రాజేంద్ర నాథ్ రెడ్డి అదిరిపోయే ట్విస్ట్ ఇచ్చారు.

తిరుమల శ్రీవారిని దర్శించుకున్న మంత్రి బుగ్గన.. అనంతరం మీడియాతో మాట్లాడుతూ రాష్ట్రంలోని 13 జిల్లాల సమగ్రాభివృద్ధే సీఎం జగన్ లక్ష్యమని.. ఆ దిశగానే ఆయన ఆలోచన చేస్తున్నారని చెప్పారు. అన్ని ప్రాంతాల అభివృద్ధిని కాంక్షించే జగన్ మూడు రాజధానుల ఆలోచన చేశారన్నారు. రాష్ట్రంలోని అన్ని ప్రాంతాలు, జిల్లాల ప్రజల ఆకాంక్షలకు అనుగుణంగా ప్రభుత్వం ముందుకు సాగుతోందన్నారు.

Also Read:‘హైకోర్టు’తో టీ అంగళ్లే వస్తాయ్.! మాకు మరో రాజధాని కావాలి.! ‘రాయలసీమ’లో కొత్త డిమాండ్

రాష్ట్రంలోని 13 జిల్లాలను సమగ్రంగా, సమానంగా అభివృద్ధి చేయాలన్నదే సీఎం వైఎస్ జగన్ ఆలోచన అని బుగ్గన స్పష్టం చేశారు. ఉత్తరాంధ్ర, గోదావరి జిల్లాలు, రాజధాని అమరావతి ప్రాంతం, రాయలసీమ ప్రాంత ప్రజల ఆకాంక్షలు వేర్వేరుగా ఉంటాయని.. వాటన్నింటికీ అనుగుణంగా అభివృద్ధి వికేంద్రీకరణ చేయాలన్నదే ప్రభుత్వ ఉద్దేశమన్నారు.

అన్ని ప్రాంతాలను సమానంగా అభివృద్ధి చేయాల్సిన బాధ్యత ప్రభుత్వంపై ఉందని.. ఆ దిశగానే ముఖ్యమంత్రి జగన్ ఆలోచన చేస్తున్నారన్నారు బుగ్గన. మూడు రాజధానులు ఉండొచ్చని మాత్రమే జగన్ చెప్పారని.. అది ఒక ఆలోచన మాత్రమేనని బుగ్గన సంచలన వ్యాఖ్యలు చేశారు. కమిటీ నివేదిక ఇచ్చిన అనంతరం క్లారిటీ వస్తుందని చెప్పారని గుర్తు చేశారు. మంత్రి బుగ్గన తాజా వ్యాఖ్యలతో మూడు రాజధానుల విషయంపై అయోమయ పరిస్థితి నెలకొంది.

Read Also: అమిత్ షా పేరు చెబితే జగన్‌కి... మాజీ మంత్రి సంచలన వ్యాఖ్యలు