జగన్ ఫుడ్ మెనూ ఇదే.. సీఎం తాగే కొత్త ఎనర్జీ డ్రింక్ గురించి చెప్పిన మంత్రి రోజా.. మీరూ తయారు చేసుకోవచ్చు

ఆంధ్రప్రదేశ్ ముఖ్యమంత్రి వైఎస్ జగన్ ఫుడ్ గురించి మంత్రి రోజా ఆసక్తికర విషయాలు చెప్పారు. ఓ ఛానల్‌కు ఇచ్చిన ఇంటర్వ్యూలో మెనూ గురించి చెప్పుకొచ్చారు. సీఎం జగన్‌లా తింటే జీరో సైజ్ ఖాయం అన్నారు రోజా. ఒక పుల్కా, కొన్ని బాయిల్డ్ వెజిటబుల్స్ తింటారన్నారు. నాన్ వెజ్ వారానికి ఒకసారి.. తనకు తెలిసి కీమా చాలా ఇష్టం అన్నారు. పాదయాత్ర సమయంలో నగరిలో ఓ రాత్రి ఉన్నారని.. అలా తనకు ఈ మెనూ గురించి తెలుసన్నారు.నగరిలో ఉన్న సమయంలో రాత్రి, పగలు జగన్ ఏం తింటారో తెలిసింది అన్నారు. అలాగే ఓ లీటరు పాలను అల్లం వేసి బాగా మరిగిస్తే ఓ గ్లాసు పాలు మాత్రమే అవుతాయి.. ఆ పాలు తాగుతారు.. అది ఆరోగ్యానికి చాలా మంచిది అన్నారు. తాను ఇవన్నీ చూశానని.. అందుకే చెప్పాని.. ఇకపై ఈ చిట్కా అందరికి తెలుస్తుంది అన్నారు.
అంతేకాదు సీఎం జగన్ ఆరోగ్యంగా ఉండేందుకే ప్రాధాన్య‌త‌ ఇస్తారని చెబుతున్నారు. అందుకే ఆహారం విషయంలో జాగ్రత్తలు తీసుకుంటారంటున్నారు. మామిడికాయ తురిమి చేసే పులిహోర అంటే జ‌గ‌న్‌కు చాలా ఇష్టమట.. చిత్రాన్నం కూడా బాగా తింటారట. రాయలసీమలో అందరూ ఇష్టపడే పల్లీలు, మొక్కజొన్న పొత్తులంటే సీఎంకు ఇష్టమట.. ఫ్రూట్స్ జ్యూస్ లకు ప్రాధాన్యమిస్తారని చెబుతున్నారు. అంతేకాదు నాన్ వేజ్ కూడా తింటారు కానీ.. కొంతమేర మాత్రమే మెనూలో ఉంటుందట.

• Read Latest Andhra Pradesh News and Telugu News