ఏపీ టీడీపీ అధ్యక్ష పదవి: అచ్చెన్నకు చంద్రబాబు ట్విస్ట్.. అనూహ్యంగా తెరపైకి ఆయన పేరు, తెలుగు యువతకు ఊహించని వ్యక్తి!

ఏపీ టీడీపీ కమిటీలపై కసరత్తు కొనసాగుతోంది. పార్టీ రాష్ట్ర కమిటీ ఏర్పాటు చేస్తుండటంతో కొత్త, కొత్త పేర్లు తెరపైకి వస్తున్నాయి. కమిటీల్లో భారీ మార్పులు చేయాలని అధినేత చంద్రబాబు భావిస్తునన్నారు. ఈ క్రమంలో ఏపీ టీడీపీ అధ్యక్షుడిగా అచ్చెన్నాయుడు పేరు దాదాపు ఖాయమైందని.. ఈ నెల 27న అధికారికంగా ప్రకటిస్తారని ప్రచారం జరుగుతోంది. కానీ ఇంతలోనే అధ్యక్ష పదవి రేసులో మరొకరి పేరు తెరపైకి వచ్చింది. తాజాగా నెల్లూరు జిల్లా పార్టీ అధ్యక్షుడు బీద రవిచంద్ర పేరు రాష్ట్ర అధ్యక్ష పదవికి పరిశీలిస్తున్నట్లు తెలుస్తోంది. సీనియర్ల కంటే యువతకు బాధ్యతలు అప్పగిస్తే ఉత్సాహంగా తిరుగుతారని.. పార్టీ కార్యక్రమాలు నిర్వహిస్తారని కొందరు సీనియర్లు చంద్రబాబు దగ్గర ప్రతిపాదించారట.. ఈ కోణంలోనే రవిచంద్ర పేరు పరిశీలనకు వచ్చినట్లు సమాచారం.

Read Also: కంట తడి పెట్టి ఏపీ మంత్రి.. సీఎం జగన్ గురించి మాట్లాడుతూ భావోద్వేగం

Also Read: బీజేపీకి షాకిచ్చిన జనసేన పార్టీ.. పవన్ వ్యూహం ఇదేనా!

ఇదిలా ఉంటే తెలుగు యువత పదవికి శ్రీకాకుళం ఎంపీ రామ్మోహన్‌నాయుడి పేరు పరిశీలనలో ఉన్నట్లు తెలుస్తోంది. తెలుగు యువత అధ్యక్ష పదవి చేపట్టడానికి రామ్మోహన్‌నాయుడు అంత సుముఖంగా లేరట. తనకు శ్రీకాకుళం లోక్‌సభ ఎంపీ బాధ్యతలు ఉండటంతో ఈ పదవికి న్యాయం చేయలేనని.. మరెవరినైనా పరిశీలించాలని ఆయన చెప్పారట. ఈ నెల 27న పార్టీ రాష్ట్ర అధ్యక్షుడి పేరును కూడా ప్రకటిస్తారని ప్రచారం జరిగినా అది నిజం కాదని.. రాష్ట్ర కమిటీ ప్రకటన తర్వాత ఉంటుందని పార్టీ వర్గాలు అంటున్నాయి. మొత్తం 25 లోక్‌సభ నియోజకవర్గాలకు 25 మంది అధ్యక్షులను ప్రకటిస్తారట.

Must Read: మామాజీ మంత్రి భూమా అఖిలప్రియకు వైసీపీ ఎమ్మెల్యే షా

ప్రస్తుతం ఉత్తారంధ్రకు చెందిన సీనియర్ నేత కిమిడి కళా వెంకట్రావు ఏపీ టీడీపీ అధ్యక్షుడిగా ఉన్నారు. టీడీపీ అధికారంలో ఉన్నప్పటి నుంచి ఆయనే పార్టీ బాధ్యతల్ని చూస్తున్నారు.. అలాగే మంత్రి పదవి కూడా చేపట్టారు. అయితే ఎన్నికల్లో ఓటమి తర్వాత వెంకట్రావును తప్పిస్తారనే ప్రచారం జరిగింది. ఎప్పటికప్పుడు కొత్త అధ్యక్షుడి నియామకంపై ప్రచారం జరిగినా చంద్రబాబు మాత్రం అధికార ప్రకటన చేయలేదు. అలాగే తెలుగు యువత పదవి ఎవరికి అప్పగిస్తారన్నది ఆసక్తిరేపుతోంది.