'దేవుడు స్క్రిప్ట్ బాగా రాశాడు.. అందుకేనా టీడీపీ ఎమ్మెల్యేను వైసీపీలోకి రమ్మని..'

టీడీపీ-వైఎస్సార్‌సీపీ మధ్య ట్విట్టర్ వార్ మరింత ముదురుతోంది. ఎంపీ విజయసాయిరెడ్డి- టీడీపీ ఎమ్మెల్సీ బుద్దా వెంకన్నలు పోటా-పోటీగా ట్వీట్లతో ఒకరిపై మరొకరు ట్వీట్ బాంబులు పేల్చుకుంటున్నారు. అటు విజయసాయి టీడీపీని టార్గెట్ చేస్తూ ట్వీట్లు చేయడం.. ఆ వెంటనే బుద్దా వెంకన్న కౌంటర్ ఇవ్వడం. తాజాగా విజయసాయి చంద్రబాబు, టీడీపీ నేతలపై చేసిన విమర్శలకు బదులిచ్చారు.

Read Also: 'జగన్ గారూ.. మీ నిర్లక్ష్యానికి మూడు ప్రాణాలు బలి'

‘ప్రజలు చంద్రబాబు మళ్లీ రావాలని కోరుకుంటున్నారు కాబట్టే మీ మడమ తిప్పే నేత వెన్నులో వణుకు మొదలైంది విజయసాయి రెడ్డి గారూ!! విలువలు, విశ్వసనీయత అని డబ్బా కబుర్లు చెప్పారు,దేవుడు స్క్రిప్ట్ బాగా రాసాడు అని బీరాలు పలికినవారు ఇప్పుడు టిడిపి ఎమ్మెల్యేను పార్టీలో చేరమని ప్రాధేయపడుతున్నాడు’అంటూ చురకలంటించారు.

Also Read: నిజమే బాబు కావాలని వారు కోరుకుంటున్నారు: విజయసాయి

‘తెలంగాణ లో టిడిపి కి 1800 ఓట్లు వచ్చాయి అని ఎద్దేవా చేస్తున్నావ్. అసలు ఎన్నికల్లో అభ్యర్థిని నిలబెట్టే దమ్ము కూడా లేని నాయకుడు వైఎస్ జగన్ అధినేతగా ఉన్న వైఎస్సార్‌సీపీలో ఉండడానికి సిగ్గుగా లేదా విజయసాయిరెడ్డి గారు. తనమీద ఉన్న కేసుల మాఫీ కోసం ఢిల్లీ వెళ్లడానికి కోట్లు పోసి ప్రత్యేక విమానాలు, 25 కోట్లతో క్యాంపు ఆఫీస్ కి సోకులు, పక్క రాష్ట్రంలో ఉన్న ఇంటికి హంగులు.. మీ సాక్షి పరివారాన్ని మేపడానికి 150 కోట్లు, ఆఖరికి నాసిరకం బియ్యం పంపిణీకి నాణ్యమైన సంచుల పేరుతో మీ కంపెనీకి 750 కోట్ల ఆర్డర్’అంటూ విజయసాయి విమర్శలకు కౌంటర్ ఇచ్చారు.

ఇసుక కొరత అని పచ్చ పార్టీ, పచ్చ మీడియా హడావిడి చేస్తోందని అంటూ తెదేపా పై అవాకులు చవాకులు పేలుతున్న విజయసాయిరెడ్డి గారు అసలు నోటికి అన్నమే తింటున్నరా? మీ సొంత పార్టీ ఎమ్మెల్యే కోటంరెడ్డి ఇసుక మాఫియా పై చర్యలు తీసుకోవాలి అని లేఖ రాసారుట, ఒక్క సారి చదువుకోండి. మీ పార్టీ నేతల ఇసుక అక్రమాలకు గుంటూరులో ఇద్దరు భవన నిర్మాణ కార్మికులు ఉరి వేసుకొని చనిపోయారు తెలుసా? తెలిసుండదు లెండి.. ఎందుకంటే మీరు బ్లాక్ ఛానెల్ తప్ప మరో ఛానెల్ చూడరు కదూ! విషయం మీ వరకూ వచ్చి ఉండదులే!!’అంటూ ఎద్దేవా చేశారు.