వైసీపీ న్యూ స్ట్రాటజీ... మండలి ఛైర్మన్‌గా మోసేను రాజు?

శాసన మండలి నూతన ఛైర్మన్‌గా మోసేను రాజు పేరు పరిశీలనలో ఉన్నట్లు తెలుస్తోంది. దీనిపై వైసీపీ వర్గాల్లో విస్తృతంగా ప్రచారం జరుగుతోంది. ఎమ్మెల్సీగా మోసేను రాజు నియామకానికి సోమవారం గవర్నర్ ఆమోదముద్ర వేసిన సంగతి తెలిసిందే. మండలి ఛైర్మన్‌, డిప్యూటీ ఛైర్మన్‌ పదవుల్లో ఒకటి ఎస్సీకి, రెండోది బీసీ లేదా మైనారిటీ వర్గానికి ఇవ్వాలనే ప్రతిపాదనపై వైసీపీ అధిష్ఠానం చర్చిస్తోంది. ఎంఏ షరీఫ్‌ ఛైర్మన్‌గా పదవీ విరమణ చేయడంతో ఆ స్థానంలో మైనారిటీ నుంచే కొత్తవారు వస్తారన్న ప్రచారం జరిగింది.అయితే అసెంబ్లీ స్పీకర్ పదవిని బీసీ వర్గానికి చెందిన తమ్మినేని సీతారామ్‌కి ఇచ్చినందువల్ల మండలి ఛైర్మన్‌ పదవి ఎస్సీ వర్గానికి ఇవ్వాలని వైసీపీ ఓ నిర్ణయానికి వచ్చినట్లు తెలుస్తోంది. దీనిలో భాగంగానే మోసేను రాజు పేరు పరిశీలనకు వచ్చిందని అధికార పార్టీ నేత ఒకరు తెలిపారు. ఇలా చేస్తే డిప్యూటీ ఛైర్మన్‌ పదవి బీసీ లేదా మైనారిటీ వర్గానికి ఇచ్చే అవకాశం ఉటుందని వైసీపీ వర్గాలు చెబుతున్నాయి.