RRR: ఎముకలు కొరికే చలిలో.. ఆంధ్రప్రదేశ్ రాజకీయాలు హాట్ హాట్‌గా మారాయి. అందుకు కారణమైంది చంద్రబాబు నాయుడు, పవన్ కళ్యాణ్ భేటీ. వీరిద్దరు హైదరాబాద్‌లో భేటీ అయితే.. దాని రియాక్షన్ ఏపీలో కనిపిస్తోంది. ఇప్పటికే ఈ భేటీపై చాలామంది నేతలు ఘాటుగా స్పందించారు. తాజాగా.. పవన్-బాబు భేటీ కీలక ట్వీట్ చేశారు ఎంపీ రఘురామకృష్ణ రాజు. 'చంద్రబాబు నాయుడుకు పవన్ కళ్యాణ్ సంఘీభావం తెలుపడం శుభపరిణామం. ప్రజాస్వామ్యాన్ని అణిచివేసే ఫాసిస్ట్ జీవోలపై సమిష్టి పోరాటం అత్యవసరం. రాబోయే విజయదశమిలోగా ప్రజలు సరైన తీర్పు ఇస్తారు. దుష్ట శిక్షణ తథ్యం. మంచి రోజులు వస్తున్నాయి' అని ఎంపీ రఘురామ (Raghurama Krishnam Raju) వ్యాఖ్యానించారు.
RRR: రాబోయే విజయదశమిలోగా ప్రజలు సరైన తీర్పు ఇస్తారు: రఘురామ
RRR: చంద్రబాబు నాయుడు, పవన్ కళ్యాణ్ భేటీ.. అనేక చర్చలకు దారి తీసింది. ముఖ్యంగా ఏపీలో ముందస్తు ఎన్నికలు అంటూ ప్రచారం సాగుతున్న వేళ.. వీరిద్దరు సమావేశం కావడం చర్చనీయాంశం అయ్యింది. బాబు-పవన్ భేటీపై ఎంపీ రఘురామ ఆసక్తికర వ్యాఖ్యలు చేశారు. రాబోయే విజయదశమిలోగా ప్రజలు సరైన తీర్పు ఇస్తారని ట్వీట్ చేశారు. దీంతో ఏపీలో ముందస్తు ఖాయం అనే వ్యాఖ్యానాలు వినిపిస్తున్నాయి. అటు టీడీపీ-జనసేన పొత్తు కూడా ఖాయం అనే ప్రచారం సాగుతోంది.
ప్రధానాంశాలు:
- ఎంపీ రఘురామకృష్ణరాజు ఆసక్తికర వ్యాఖ్యలు
- విజయదశమిలోగా ప్రజలు సరైన తీర్పు ఇస్తారని ట్వీట్
- పవన్-బాబు భేటీని స్వాగతించిన రఘురామకృష్ణరాజు
