వెంకటేశ్వర స్వామిపై ప్రమాణం చేస్తారా, ఒప్పుకుంటారా.. సీఎం జగన్‌కు నారా లోకేష్ సవాల్

టీడీపీ జాతీయ ప్రధాన కార్యదర్శి నారా లోకేష్ (Nara Lokesh) ఏపీ ముఖ్యమంత్రి వైఎస్ జగన్‌ (Ys Jagan)కు సవాల్ విసిరారు. మాజీ మంత్రి వైఎస్ వివేకానందరెడ్డి (Ys Vivekananda Reddy Murder Case) హత్య కేసును ప్రస్తావిస్తూ వెంకటేశ్వరస్వామిపై ప్రమాణానికి సిద్ధమా అన్నారు. ముఖ్యమంత్రి ఇవాళ తిరుమల శ్రీవారికి పట్టువస్త్రాలు సమర్పించేందుకు వెళ్తున్న వేళ లోకేష్ ట్విట్టర్ వేదికగా చేసిన ఛాలెంజ్ ఆసక్తికరంగా మారింది.‘వివేకా గారి హత్య తో నాకు, నా కుటుంబానికి సంబంధం లేదని 14-4-21 న కలియుగ ఆరాధ్య దైవం వెంకటేశ్వర స్వామి సాక్షిగా ప్రమాణం చేశాను. బాబాయ్ హత్యతో మీకు, మీ కుటుంబ సభ్యులకు సంబంధం లేదని శ్రీవారి సాక్షిగా ప్రమాణం చెయ్యడానికి సిద్ధమా జగన్ రెడ్డి?. తిరుమల వెళ్తున్న మీరు ప్రమాణం చేస్తారా? లేక బాబాయ్ పై గొడ్డలి పోటు జగనాసుర రక్త చరిత్ర అని ఒప్పుకుంటారా?’అంటూ ట్వీట్ చేసి సవాల్ విసిరారు.
మరోవైపు వైఎస్ వివేకా హత్య కేసులో జైల్లో ఉన్న దేవిరెడ్డి శివశంకర్‌రెడ్డికి బెయిల్‌ ఇవ్వడానికి సుప్రీంకోర్టు నిరాకరించింది. ఈ కేసులో ఆయనే కీలక వ్యక్తి అని.. బెయిల్‌ పిటిషన్‌ను డిస్మిస్‌ చేసింది. ఏపీ హైకోర్టు బెయిల్‌ ఇవ్వడానికి నిరాకరించడంతో శివశంకర్‌రెడ్డి సుప్రీంకోర్టులో పిటిషన్ దాఖలు చేశారు. ఈ కేసులో ప్రధాన నిందితుడు శివశంకర్‌రెడ్డే అని జడ్జి వ్యాఖ్యానించారు.. సాక్ష్యాలను తారుమారు చేయడానికి అవకాశాలున్నాయి అన్నారు. హైకోర్టు జారీ చేసిన ఉత్తర్వుల్లో జోక్యం చేసుకోవడానికి ధర్మాసనం నిరాకరించింది.