ఆమె సీఎం జగన్‌తో లంచ్ చేసి వెళ్లాకే సీఎస్ ఎల్వీ బదిలీ?

ఏపీ సీఎస్ ఎల్వీ సుబ్రహ్మణ్యం బదిలీ అయిన సంగతి తెలిసిందే. ఆయన్ను గుంటూరు జిల్లా బాపట్ల ఆంధ్రప్రదేశ్‌ మానవ వనరుల అభివృద్ధి సంస్థ (ఏపీహెచ్‌ఆర్‌డీ) డైరెక్టర్‌ జనరల్‌గా వెళ్లారు. సీసీఎల్‌ఏ స్పెషల్‌ చీఫ్‌ సెక్రటరీగా పనిచేస్తున్న నీరబ్‌ కుమార్‌ ప్రసాద్‌‌కు తాత్కాలికంగా సీఎస్ బాధ్యతల్ని అప్పగించారు. ఇదంతా పక్కన పెడితే ఇప్పుడు కొ త్త సీఎస్ ఎవరనే ప్రశ్న తెరపైకి వచ్చింది.. ఈ రేసులో సీనియర్ అధికారుల పేర్లు ప్రముఖంగా వినిపిస్తున్నాయి.. వారిలో ఓ మహిళా అధికారికి ఆ అవకాశం దక్కతుందని ఏపీలో ప్రచారం జరుగుతోంది.

Read Also: చంద్రబాబు ఆ సలహా ఇస్తే తీసుకుంటాం.. ఏపీ మంత్రి ఆసక్తికర వ్యాఖ్యలు

దీనికి ఓ లాజిక్ చెప్పుకొస్తున్నారు. సీనియర్ అధికారుల పేర్లను ఓసారి పరిశీలిస్తే.. 1983 బ్యాచ్‌కి చెందిన ప్రీతి సుడాన్ ఉన్నారు. ఆమె కేంద్ర సర్వీసుల్లో ఉన్నారు.. ఆమెకు కూడా 5 నెలల సర్వీస్ మాత్రమే ఉంది. ఆమె రావాలనుకున్నా కేంద్రం రిలీవ్ చేసే అవకాశాలు తక్కువేనట. ఇక నీరబ్ కుమార్ ప్రసాద్ పేరు వినిపిస్తున్నా అవకాశాలు తక్కవట. అలాగే సమీర్ శర్మ పరిస్థితి కూడా అంతేనట. ఇక తర్వాత సీనియార్టీలో ఉంది నీలమ్ సాహ్నే.. 1984 బ్యాచ్‌కు చెందిన ఐఏఎస్ అధికారిణి. ఆమె భర్త కూడా కేంద్ర సర్వీసుల్లో కొనసాగుతున్నారు.

సాహ్నేకు ఆంధ్రప్రదేశ్ ముఖ్యమంత్రి జగన్‌మోహన్‌రెడ్డిని కలిసినట్లు వార్తలొచ్చాయి. జగన్‌ను కలిసి సోమవారం ఆమె లంచ్ చేశారని.. ఆ తర్వాత కొద్దిసేపటికే సీఎస్ ఎల్వీ సుబ్రహ్మణ్యంను బదిలీ చేశారనే చర్చ జరుగుతోంది. సాహ్నేకు సీఎస్‌‌గా అవకాశం కల్పించడం ఖాయమని టాక్ నడుస్తోంది. అయితే దీనిపై ఎలాంటి క్లారిటీ రాలేదు.

వీరిలో సాహ్నేకు 2020 జూన్ 30 వరకు సర్వీస్ ఉంది.. ఇక సమీర్ శర్మ విషయానికి వస్తే ఆయన 1985 బ్యాచ్‌కు చెందిన ఐఏఎస్ అధికారి.. ప్రస్తుతం ఇండియన్ ఇన్ స్టిట్యూట్ ఆఫ్ కార్పోరేట్ అఫైర్స్ డైరెక్టర్ జనరల్‌గా ఉన్నారు. 2021 నవంబర్ వరకు సమీర్ శర్మ అవకాశం ఉంది. ఇలా మరో నలుగురు, ఐదుగురి పేర్లు వినిపిస్తున్నాయి. అయితే వీరిలో సాహ్నే పేరు ఇప్పుడు సీఎస్ రేసులో ప్రముఖంగా వినిపిస్తోందట. మరి జగన్ వీరిలో ఎవరికి అవకాశం ఇస్తారన్నది ఆసక్తిగా మారింది.