గాంధీ విగ్రహానికి వైఎస్సార్సీపీ రంగులు.. తప్పుడు ప్రచారం, నీచ రాజకీయం!

ఈ ఫొటోను టీడీపీ అధినేత చంద్రబాబు నాయుడు, జనసేన అధినేత పవన్ కళ్యాణ్ ట్వీట్ చేశారు. ప్రభుత్వ తీరుపై వారు విమర్శలు గుప్పించారు. త్రివర్ణ పతాకానికి తమ పార్టీ రంగులేసుకొని అభాసులపాలైన వైఎస్సార్సీపీ పాఠాలు నేర్వలేదని బాబు మండిపడగా.. మొన్న జాతీయ జెండా, ఈరోజు గాంధీ విగ్రహం, రేపేంటి జగన్ రెడ్డీ జీ? అని పవన్ ప్రశ్నించారు.

కాగా, గాంధీ విగ్రహ దిమ్మెకు తమ పార్టీ రంగులేసినట్టు వస్తోన్న ప్రచారం తప్పని వైఎస్ఆర్సీపీ చెబుతోంది. ఇందుకు ఆధారంగా.. గాంధీ విగ్రహం ఫొటోలు, వీడియోలను విడుదల చేసింది. వీటిల్లో గాంధీ విగ్రహాన్ని ఉంచిన దిమ్మెకు తెల్ల రంగు మాత్రమే వేసి ఉంది. చంద్రబాబు నాయుడు, పవన్ కళ్యాణ్ ఫేక్ ఫొటోలను ట్వీట్ చేశారని తెలిపింది.