పీఏసీ చైర్మన్ పయ్యావులకు అస్వస్థత.. విజయవాడ తరలింపు

పీఏసీ చైర్మన్, అనంతపురం జిల్లా ఉరవకొండ ఎమ్మెల్యే పయ్యావుల కేశవ్ స్వల్ప అస్వస్థతకు గురయ్యారు. అమరావతిలో జరుగుతున్న పీఏసీ భేటీ జరుగుతున్న సమయంలో ఉండగా అస్వస్థతకు గురైనట్లు సమాచారం. సమావేశం మధ్యలో వాంతులు కావడంతో వెంటనే అసెంబ్లీ డిస్పెన్సరీలో చికిత్స అందజేశారు. స్వల్ప అస్వస్థతేనని.. ఆందోళన చెందాల్సిన అవసరం లేదని చెప్పారు. అనంతరం ఆయనను విజయవాడలోని ఆయుష్ ఆస్పత్రికి తరలించారు.

Also Read: తిరుపతిలో ఘోరం.. ఉద్యోగినితో బలవంతంగా మద్యం తాగించి..

తెలుగుదేశం పార్టీ సీనియర్ లీడర్, ఎమ్మెల్యే పయ్యావుల కేశవ్‌ పీఏసీ చైర్మన్‌గా ఎన్నికయ్యారు. అసెంబ్లీ సంప్రదాయం ప్రకారం క్యాబినెట్ హోదా కలిగిన పీఏసీ చైర్మన్ పదవిని ప్రధాన ప్రతిపక్షానికి కేటాయించడం ఆనవాయితీగా వస్తోంది. ఈ నేపథ్యంలో సీనియర్ ఎమ్మెల్యే అయిన పయ్యావులను పీఏసీ చైర్మన్ పదవి వరించింది. 2019 ఎన్నికల్లో ఉరవకొండ సిట్టింగ్ ఎమ్మెల్యే.. వైఎస్సార్సీపీ నేత విశ్వేశ్వర రెడ్డిపై ఆయన విజయం సాధించారు. చంద్రబాబుకు అత్యంత సన్నిహితుడు కావడం విశేషం.