అజ్ఞాతంలోకి చింతమనేని.. పోలీసుల గాలింపు
మాజీ ఎమ్మెల్యే చింతమనేని ప్రభాకర్ కోసం పోలీసుల ముమ్మర గాలింపు. శుక్రవారంనుంచి కనిపించకుండా పోయిన మాజీ ఎమ్మెల్యే. ప్రభాకర్పై ఎస్సీ, ఎస్టీ అట్రాసిటీ కేసు.
Samayam Telugu 31 Aug 2019, 10:26 am
ప్రధానాంశాలు:
- యువకులపై దౌర్జన్యం చేశారని చింతమనేనిపై ఆరోపణ
- తమను కులం పేరుతో దూషించారని యువకుల ఫిర్యాదు
- మాజీ ఎమ్మెల్యేపై కేసు నమోదు చేసిన పోలీసులు
పశ్చిమగోదావరి జిల్లా దెందులూరు మాజీ ఎమ్మెల్యే చింతమనేని ప్రభాకర్ కనిపించకుండాపోయారు. శుక్రవారం నుంచి ఆయన అజ్ఞాతంలోకి వెళ్లిపోయారు. ప్రభాకర్పై ఎస్సీ, ఎస్టీ అట్రాసిటీ కేసు నమోదు కావడంతో.. ఆయన కోసం పోలీసులు గాలిస్తున్నారు. చింతమనేని పట్టుకునేందుకు ప్రత్యేక బృందాలను రంగంలోకి దించినట్లు తెలుస్తోంది. Read Also: 'ఆ రూ.18లక్షలు ఏమయ్యాయి.. జగన్ సర్కార్ చెప్పాలి'
పినకడిమికి చెందిన యువకులపై చింతమనేని దౌర్జన్యం చేశారని ఆరోపణలు వచ్చాయి. ఇసుక తవ్వకాలకు సంబంధించిన వ్యవహారంలో తమను కులం పేరుతో దూషించి దాడికి ప్రయత్నించారని చింతమనేనిపై కొందరు స్థానికులు పోలీసులకు ఫిర్యాదు చేశారు. దీంతో ఆయనపై ఎస్సీ, ఎస్టీ అట్రాసిటీ కేసు నమోదు చేశారు. చింతమనేనితో పాటూ మరికొందరు అనుచరులపైనా పలు సెక్షన్ల కింద కేసు నమోదయ్యాయి.
తనపై కేసు నమోదు కావడంపై చింతమనేని స్పందించారు. టీడీపీ ధర్నాలతో ప్రభుత్వానికి భయం పట్టుకుందని.. తనపై కక్షపూరితంగా కేసులు పెట్టారని మండిపడ్డారు. తాను మళ్లీ ప్రజా పోరాటాలతో బయటకు వస్తుంటే చూడలేక అణగదొక్కేందుకు ప్రయత్నిస్తున్నారని.. ఇలాంటి కేసులకు భయపడేది లేదన్నారు. ఎన్ని కేసులు పెట్టుకుంటే అన్ని పెట్టుకోండి అంటూ ఘాటు వ్యాఖ్యలు చేశారు. తన తప్పు ఉంటే ఏ శిక్షకైనా సిద్ధమని.. ఇలా తప్పుడు కేసులతో ఇరికించాలని చూడటం దారుణమన్నారు.
పినకడిమికి చెందిన యువకులపై చింతమనేని దౌర్జన్యం చేశారని ఆరోపణలు వచ్చాయి. ఇసుక తవ్వకాలకు సంబంధించిన వ్యవహారంలో తమను కులం పేరుతో దూషించి దాడికి ప్రయత్నించారని చింతమనేనిపై కొందరు స్థానికులు పోలీసులకు ఫిర్యాదు చేశారు. దీంతో ఆయనపై ఎస్సీ, ఎస్టీ అట్రాసిటీ కేసు నమోదు చేశారు. చింతమనేనితో పాటూ మరికొందరు అనుచరులపైనా పలు సెక్షన్ల కింద కేసు నమోదయ్యాయి.
తనపై కేసు నమోదు కావడంపై చింతమనేని స్పందించారు. టీడీపీ ధర్నాలతో ప్రభుత్వానికి భయం పట్టుకుందని.. తనపై కక్షపూరితంగా కేసులు పెట్టారని మండిపడ్డారు. తాను మళ్లీ ప్రజా పోరాటాలతో బయటకు వస్తుంటే చూడలేక అణగదొక్కేందుకు ప్రయత్నిస్తున్నారని.. ఇలాంటి కేసులకు భయపడేది లేదన్నారు. ఎన్ని కేసులు పెట్టుకుంటే అన్ని పెట్టుకోండి అంటూ ఘాటు వ్యాఖ్యలు చేశారు. తన తప్పు ఉంటే ఏ శిక్షకైనా సిద్ధమని.. ఇలా తప్పుడు కేసులతో ఇరికించాలని చూడటం దారుణమన్నారు.