ఏపీకి వర్ష సూచన చేసింది వాతావరణశాఖ. కోస్తాంధ్రకు ఆనుకుని పశ్చిమమధ్య బంగాళాఖాతంలో ఉపరితల ఆవర్తనం కొనసాగుతుంది. దీనికి తోడు రాష్ట్రంలో ఎండలు మండిపోతున్నాయి.. వేసవిని తలపించేలా వాతావరణం కనిపిస్తోంది. ఈ ప్రభావంతో క్యుములోనింబస్‌ మేఘాలు ఆవరించి వర్షాలు కురుస్తాయని వాతావరణశాఖ అంచనా వేస్తోంది. ఇప్పటికే కోస్తా, రాయలసీమలో పలుచోట్ల ఉరుములు, పిడుగులతో వర్షాలు కురిశాయి.
ముఖ్యంగా ఎన్టీఆర్, కృష్ణా, ప్రకాశం, బాపట్ల, గుంటూరు, ఏలూరు, పశ్చిమగోదావరి, కోనసీమ, కాకినాడ, అనకాపల్లి, పల్నాడు, కర్నూలు, విజయనగరం, నంద్యాల, పార్వతీపురం, శ్రీకాకుళం జిల్లాలో ఈ నెల 27 నుంచి అక్టోబర్ 1 వరకు ఓ మోస్తరు నుంచి భారీ వర్షాలు పడతాయని అంచనా వేస్తున్నారు. నెల్లూరు, కడప, అనంతపురం, చిత్తూరు, తిరుపతి జిల్లాల్లో ఓ మోస్తరు వానలు పడతాయంటున్నారు. సత్యసాయి, అన్నమయ్య జిల్లాల్లో చిరు జల్లులు కురిసే అవకాశం ఉంది. ఈ మేరకు ఏపీ వెదర్ మ్యాన్ కూడా అలర్ట్ చేశారు.
ముఖ్యంగా ఎన్టీఆర్, కృష్ణా, ప్రకాశం, బాపట్ల, గుంటూరు, ఏలూరు, పశ్చిమగోదావరి, కోనసీమ, కాకినాడ, అనకాపల్లి, పల్నాడు, కర్నూలు, విజయనగరం, నంద్యాల, పార్వతీపురం, శ్రీకాకుళం జిల్లాలో ఈ నెల 27 నుంచి అక్టోబర్ 1 వరకు ఓ మోస్తరు నుంచి భారీ వర్షాలు పడతాయని అంచనా వేస్తున్నారు. నెల్లూరు, కడప, అనంతపురం, చిత్తూరు, తిరుపతి జిల్లాల్లో ఓ మోస్తరు వానలు పడతాయంటున్నారు. సత్యసాయి, అన్నమయ్య జిల్లాల్లో చిరు జల్లులు కురిసే అవకాశం ఉంది. ఈ మేరకు ఏపీ వెదర్ మ్యాన్ కూడా అలర్ట్ చేశారు.