Chandrababu Naiduకు నిరసన సెగ.. గో బ్యాక్ అంటూ నినాదాలు, ఉద్రిక్తత

టీడీపీ అధినేత, మాజీ ముఖ్యమంత్రి చంద్రబాబుకు రాయలసీమలో నిరసన సెగ తగిలింది. కర్నూలు జిల్లా పర్యటనకు వెళ్లిన ఆయన్ను విద్యార్థి, ప్రజా సంఘాలు అడ్డుకున్నాయి. ప్రభుత్వం హైకోర్టును రాయలసీమలో ఏర్పాటు చేయడంతో పాటూ ప్రత్యేకంగా నిధులు కేటాయించాలనే డిమాండ్‌తో బాబును అడ్డుకున్నారు. ఆందోళనకారులు కాన్వాయ్‌కు అడ్డుగా వెళ్లడంతో పోలీసులు అడ్డుకొని అరెస్ట్ చేశారు. దీంతో కొద్దిసేపు ఉద్రిక్త పరిస్థితులు నెలకొన్నాయి.

ఏపీ ప్రభుత్వం హైకోర్టును రాయలసీమలో ఏర్పాటు చేయడంతో పాటూ ప్రత్యేకంగా నిధులు కేటాయించాలనే డిమాండ్‌తో.. కొద్దిరోజులుగా ఆందోళనలు జరుగుతున్నాయి. మంత్రులు, ఎమ్మెల్యేలు, ఎంపీల ఇళ్లను ముట్టడించారు. దాదాపు రెండు నెలలుగా ఆందోళనలు జరుగుతున్నాయి. తాజాగా ఈ నిరసన సెగ చంద్రబాబుకు తగిలింది.

మరోవైపు చంద్రబాబు కర్నూలు జిల్లా పర్యటనకు వచ్చారు. మూడు రోజుల పాటూ పార్టీ నేతలు, కార్యకర్తలతో నియోజకవర్గాల వారీగా సమీక్షలు నిర్వహించనున్నారు పార్టీ బలోపేతంతో పాటూ భవిష్యత్ కార్యాచరణపై చర్చించనున్నారు. వైఎస్సార్‌సీపీ బాధితుల పేరుతో.. టీడీపీ కార్యకర్తలు, నేతల్ని పరామర్శించనున్నారు.